ആകർഷകമായ ഓഫറുമായി ജിയോ

മുംബൈ: ആകർഷകമായ ഓഫറുമായി റിലയൻസ് ജിയോ. വെറും 51 രൂപയ്ക്ക് ഒരു മാസം മുഴുവൻ പരിധിയില്ലാത്ത 5ജി ഡാറ്റ ലഭിക്കുന്ന ആവേശകരമായ ഡീലാണ് ജിയോ അവതരിപ്പിച്ചിരിക്കുന്നത്. ജിയോയുടെ 5ജി നെറ്റ്‌വർക്ക് പരിധിയിലുള്ള പ്രദേശങ്ങളിൽ താമസിക്കുന്ന 5ജി സ്മാർട്ട്‌ഫോൺ ഉപയോക്താക്കൾക്ക് പ്രയോജനപ്പെടുത്താവുന്ന ഒരു ഓഫറാണിത്. നിങ്ങൾ ഒരു ജിയോ ഉപഭോക്താവാണെങ്കിൽ, ഈ അതിശയകരമായ ഡീൽ പ്രയോജനപ്പെടുത്താനുള്ള അവസരം നഷ്‍ടപ്പെടുത്തരുത്.

ജിയോ 51 രൂപ പ്ലാൻ

ഈ പ്ലാൻ ഡാറ്റയ്ക്കായി മാത്രമായി രൂപകൽപ്പന ചെയ്‌തിരിക്കുന്നതിനാൽ ഉപയോക്താക്കൾക്ക് പരിധിയില്ലാത്ത 5ജി ഡാറ്റ ആക്‌സസ് ചെയ്യാനും 3 ജിബി ഹൈ-സ്പീഡ് 4ജി ഡാറ്റ നേടാനും സാധിക്കുമെന്ന് ജിയോയുടെ ഔദ്യോഗിക വെബ്‌സൈറ്റ് വ്യക്തമാക്കുന്നു. ഈ ഡാറ്റ പാക്കിന്‍റെ വാലിഡിറ്റി 1.5 ജിബി പ്രതിദിനം പ്ലാനിന് മാത്രമുള്ളതാണ്. ഇത് ഒരു മാസത്തേക്ക് വാലിഡിറ്റി ഉള്ളതാണ്. അൺലിമിറ്റഡ് 5ജി ഡാറ്റയിൽ നിന്ന് പ്രയോജനം നേടുന്നതിന് നിങ്ങൾക്ക് ഈ ഡാറ്റ പായ്ക്ക് നിലവിൽ ആക്ടീവായ പ്ലാനുകളുമായി തടസമില്ലാതെ സംയോജിപ്പിക്കാം. കൂടാതെ, ജിയോയുടെ 101 രൂപ, 151 രൂപ പ്ലാനുകളിൽ സബ്‌സ്‌ക്രൈബ് ചെയ്‌ത ഉപയോക്താക്കൾക്ക് പരിധിയില്ലാത്ത 5ജി ഡാറ്റയും ആസ്വദിക്കാനും സാധിക്കും.

ഈ വർഷം ആദ്യം ട്രായിയുടെ നിർദ്ദേശപ്രകാരം, ഡാറ്റ ഉൾപ്പെടുത്താത്ത രണ്ട് പ്രീപെയ്‌ഡ് പ്ലാനുകൾ റിലയന്‍സ് ജിയോ അവതരിപ്പിച്ചിരുന്നു. മൊബൈൽ ഡാറ്റ ആവശ്യമില്ലാത്ത ഫീച്ചർ ഫോൺ ഉപയോക്താക്കൾക്കായിട്ടായിരുന്നു ഈ പ്ലാനുകൾ. ഈ രണ്ട് പ്ലാനുകളും യഥാക്രമം 84 ദിവസവും 336 ദിവസവും വാലിഡിറ്റി വാഗ്ദാനം ചെയ്യുന്നു. 336 ദിവസത്തെ വാലിഡിറ്റി ഓപ്ഷന്, ഉപയോക്താക്കൾക്ക് 1,748 രൂപയ്ക്ക് ഇത് ലഭിക്കും.

ഇന്ത്യയിലെ ഏത് നെറ്റ്‌വർക്കിലേക്കും പരിധിയില്ലാത്ത കോളിംഗ്, സൗജന്യ നാഷണൽ റോമിംഗ്, 3,600 സൗജന്യ എസ്എംഎസ് എന്നിവ ഈ പ്ലാനിന്റെ ആനുകൂല്യങ്ങളിൽ ഉൾപ്പെടുന്നു. ജിയോ ടിവി, ജിയോ ക്ലൗഡ് സേവനങ്ങൾ സൗജന്യമായി ആക്‌സസ് ചെയ്യാനും ഉപയോക്താക്കൾക്ക് കഴിയും.

അതേസമയം 51 രൂപ ഡാറ്റ പായ്ക്ക് 336 ദിവസത്തെ പ്ലാനുമായി സംയോജിപ്പിക്കാൻ കഴിയില്ല എന്ന കാര്യം ജിയോ ഉപയോക്താക്കൾ ശ്രദ്ധിക്കേണ്ടതാണ്. ഈ റീചാർജ് ഓപ്ഷനുകളിലേക്ക് ഡാറ്റ ചേർക്കാൻ നിങ്ങൾ ആഗ്രഹിക്കുന്നുവെങ്കിൽ, 19 രൂപയിൽ തുടങ്ങി 359 രൂപ വരെ വിലയുള്ള നിരവധി ഡാറ്റ വൗച്ചറുകൾ ജിയോ വാഗ്ദാനം ചെയ്യുന്നു.