അരൂക്കുറ്റിയിൽ രണ്ട് വിദ്യാര്‍ത്ഥികളെ കാണാനില്ല

ആലപ്പുഴ: ആലപ്പുഴ അരൂക്കുറ്റിയിൽ നിന്നും രണ്ട് വിദ്യാര്‍ത്ഥികളെ കാണാതായി. അരൂക്കുറ്റി ഇട്ടിത്തറവീട്ടിൽ മുരാരി (16), തുരുത്തിപ്പള്ളിവീട്ടിൽ ഗൗരി ശങ്കർ (16) എന്നിവരെയാണ് ഇന്നലെ വൈകുന്നേരം മുതൽ കാണാതായത്. ഇരുവരും പൂച്ചാക്കൽ ശ്രീകണ്ഠേശ്വരം സ്കൂളിലെ പ്ലസ് വൺ വിദ്യാർത്ഥികളാണ്.

ഇന്നലെ സ്കൂൾ വിട്ട് വീട്ടിൽ വന്ന ശേഷമാണ് ഇരുവരെയും കാണാതായത്. വീട്ടുകാര്‍ കുട്ടികളെ അന്വേഷിച്ചെങ്കിലും കണ്ടെത്താനാകാത്തിരുന്നതിനെത്തുടര്‍ന്ന് ഇരുവരുടെയും കുടുബം പൊലീസിൽ പരാതി നൽകുകയായിരുന്നു. വീട്ടുകാരുടെ പരാതിയിൽ പൂച്ചാക്കൽ പൊലീസ് കേസെടുത്ത് അന്വേഷണം ആരംഭിച്ചു.