യുവ താരങ്ങളെ അതിശയിപ്പിക്കും വിധം ആക്ഷൻ രംഗം: ഇപ്പോഴും സൂപ്പർ കൂളാണ് ചിരഞ്ജീവി

ചിരഞ്‍ജീവി നായകനായി ഇനി വരാനിരിക്കുന്ന ചിത്രമാണ് വിശ്വംഭര. ചിരഞ്‍ജീവിയുടെ വേറിട്ട ഫാന്റസി ത്രില്ലര്‍ ചിത്രമായിരിക്കും വിശ്വംഭര. സംവിധാനം വസിഷ്‍ഠ മല്ലിഡിയാണ്. വിശ്വംഭരയുടെ വിസ്‍മയിപ്പിക്കുന്ന ദൃശ്യങ്ങള്‍ ഉള്‍പ്പെടുത്തിയ വീഡിയോ പുറത്തുവിട്ടത് ആരാധകരുടെ ശ്രദ്ധയാകര്‍ഷിക്കുകയാണ് ഇപ്പോള്‍. അതി ഗംഭീരമായ ആക്ഷൻ രംഗങ്ങള്‍ ചിത്രത്തില്‍ ഉണ്ടാകുമെന്നാണ് വ്യക്തമാകുന്നത്. യുവ താരങ്ങളെ അതിശയിപ്പിക്കും വിധം ചിരഞ്‍ജീവി ആക്ഷൻ രംഗങ്ങളില്‍ പ്രകടനം നടത്തിയിട്ടുണ്ട് എന്ന് ദൃശ്യങ്ങളില്‍ നിന്ന് വ്യക്തമാകുന്നു. ബോക്സ് ഓഫീസില്‍ വൻ തരംഗമാകാനിടയുള്ള ചിത്രമായിരിക്കും ഇതെന്നാണ് വിലയിരുത്തല്‍.

ചിരഞ്‍ജീവി നായകനായി ഇനി വരാനിരിക്കുന്ന ചിത്രമാണ് വിശ്വംഭര. ചിരഞ്‍ജീവിയുടെ വേറിട്ട ഫാന്റസി ത്രില്ലര്‍ ചിത്രമായിരിക്കും വിശ്വംഭര. സംവിധാനം വസിഷ്‍ഠ മല്ലിഡിയാണ്. വിശ്വംഭരയുടെ വിസ്‍മയിപ്പിക്കുന്ന ദൃശ്യങ്ങള്‍ ഉള്‍പ്പെടുത്തിയ വീഡിയോ പുറത്തുവിട്ടത് ആരാധകരുടെ ശ്രദ്ധയാകര്‍ഷിക്കുകയാണ് ഇപ്പോള്‍. അതി ഗംഭീരമായ ആക്ഷൻ രംഗങ്ങള്‍ ചിത്രത്തില്‍ ഉണ്ടാകുമെന്നാണ് വ്യക്തമാകുന്നത്. യുവ താരങ്ങളെ അതിശയിപ്പിക്കും വിധം ചിരഞ്‍ജീവി ആക്ഷൻ രംഗങ്ങളില്‍ പ്രകടനം നടത്തിയിട്ടുണ്ട് എന്ന് ദൃശ്യങ്ങളില്‍ നിന്ന് വ്യക്തമാകുന്നു. ബോക്സ് ഓഫീസില്‍ വൻ തരംഗമാകാനിടയുള്ള ചിത്രമായിരിക്കും ഇതെന്നാണ് വിലയിരുത്തല്‍.

മഹേഷ് ബാബു നായകനായി ഒടുവിലെത്തിയ ചിത്രം ഗുണ്ടൂര്‍ കാരത്തിനായി വലിയൊരു വീടിന്റെ സെറ്റ് നിര്‍മിച്ചിരുന്നു. ആ സെറ്റിലാണ് വിശ്വംഭരത്തിന്റെ ഗാന രംഗത്ത് ചിരഞ്‍ജീവിയും നായിക തൃഷയും പ്രത്യക്ഷപ്പെടുന്നത് എന്നൊരു റിപ്പോര്‍ട്ടുണ്ടായിരുന്നു. ചിരഞ്‍ജീവി സാധാരണക്കാരനായിട്ടാണ് വസിഷ്‍ഠയുടെ പുതിയ ചിത്രത്തില്‍ എത്തുക എന്നും ഡോറ ബാബു എന്നായിരിക്കും ചിരഞ്‍ജീവിയുടെ കഥാപാത്രത്തിന്റെ പേര് എന്നും ഗോദാവരി ജില്ലയില്‍ നിന്നുളള ആളാണ് കഥാപാത്രം എന്നുമാണ് റിപ്പോര്‍ട്ട്. എങ്ങനെയാണ് ആ സാധാരണ മനുഷ്യൻ ചിത്രത്തില്‍ നായകനായി മാറുന്നത് എന്നതാണ് ആകാംക്ഷയുണര്‍ത്തുന്ന ഘടകം.