അന്ന് മുകേഷിനോട് തോറ്റു, ഇന്ന് തകർപ്പൻ തിരിച്ചുവരവ്; കൊല്ലത്ത് ബിന്ദു കൃഷ്ണയ്ക്ക് വൻ വിജയം

2026-ലെ നിയമസഭാ തിരഞ്ഞെടുപ്പിൽ കൊല്ലം മണ്ഡലത്തിൽ യുഡിഎഫ് സ്ഥാനാർത്ഥി ബിന്ദു കൃഷ്ണ ഗംഭീര വിജയം കരസ്ഥമാക്കി. 16,830 വോട്ടുകളുടെ ഭൂരിപക്ഷത്തിനാണ് ബിന്ദു കൃഷ്ണ എൽഡിഎഫിന്റെ എസ്. ജയമോഹനെ പരാജയപ്പെടുത്തിയത്. ബിന്ദു കൃഷ്ണ 63,416 വോട്ടുകളും ജയമോഹൻ 46,586 വോട്ടുകളും നേടി. എൻഡിഎ സ്ഥാനാർത്ഥി ഡോ. പ്രതാപ് കുമാർ 18,537 വോട്ടുകൾ നേടി മൂന്നാം സ്ഥാനത്തെത്തി.

2021-ൽ എം. മുകേഷിനോട് നേരിട്ട ചെറിയ പരാജയത്തിന് (2072 വോട്ടുകൾ) പകരം വീട്ടാൻ ഈ വിജയത്തിലൂടെ ബിന്ദു കൃഷ്ണയ്ക്കായി. വികസന ചർച്ചകൾക്കൊപ്പം മുൻ എംഎൽഎയ്‌ക്കെതിരെ ഉയർന്ന ആരോപണങ്ങളും മണ്ഡലത്തിൽ യുഡിഎഫിന് അനുകൂലമായ കാറ്റ് വീശാൻ കാരണമായി. പനയം, തൃക്കടവൂർ, തൃക്കരുവ പഞ്ചായത്തുകളും കൊല്ലം കോർപ്പറേഷനിലെ പ്രധാന വാർഡുകളും ഉൾപ്പെടുന്ന മണ്ഡലത്തിൽ ഇത്തവണ വ്യക്തമായ ആധിപത്യം സ്ഥാപിക്കാൻ യുഡിഎഫിന് കഴിഞ്ഞു.