കൊച്ചി: ദീപാവലി സീസണിൽ ഇന്ത്യൻ സഞ്ചാരികളെ ആകർഷിക്കാൻ പ്രത്യേക യാത്രാ പാക്കേജുകളുമായി അബുദാബി. ഇന്ത്യയിലെ പ്രധാന നഗരങ്ങളിൽ നിന്ന് മൂന്ന് മുതൽ നാല് മണിക്കൂർ വരെ വിമാനയാത്രയിൽ എത്തിച്ചേരാവുന്ന അബുദാബി കുടുംബ യാത്രാ വിപണി ലക്ഷ്യമിട്ടാണ് വിവിധ ഓഫറുകൾ അവതരിപ്പിക്കുന്നത്. താമസം, പ്രഭാതഭക്ഷണം, വിമാനത്താവള കൈമാറ്റം, പ്രധാന വിനോദസഞ്ചാര കേന്ദ്രങ്ങളിലേക്കുള്ള പ്രവേശനം എന്നിവ ഉൾപ്പെടുന്ന പാക്കേജുകൾ ഒരാൾക്ക് 83,325 രൂപ മുതലാണ് ലഭ്യമാകുന്നത്. യാസ് ഐലൻഡ്, ലൂവർ അബുദാബി, ഷെയ്ഖ് സായിദ് ഗ്രാൻഡ് മോസ്‌ക്, ടീംലാബ് ഫിനോമിന അബുദാബി എന്നിവയാണ് പ്രധാന ആകർഷണങ്ങൾ. ദീപാവലി വിരുന്നുകൾ, ബീച്ച് അനുഭവങ്ങൾ, ഷോപ്പിംഗ് എന്നിവയും പാക്കേജുകളുടെ ഭാഗമാണ്. ഇന്ത്യൻ ടൂറിസം വിപണിയിൽ കൂടുതൽ സഞ്ചാരികളെ ആകർഷിക്കുകയാണ് ലക്ഷ്യം.