2026 ഏപ്രിൽ 29-ലെ കണക്കുകൾ പ്രകാരം, പ്ലാറ്റ്ഫോമിൽ രജിസ്റ്റർ ചെയ്ത ഉപയോക്താക്കളുടെ എണ്ണം 70 കോടി (700 ദശലക്ഷം) എന്ന സുപ്രധാന നാഴികക്കല്ല് പിന്നിട്ടതായി ഫോൺപേ ഇന്ന് പ്രഖ്യാപിച്ചു. ഇന്ത്യയിലെ വലിയൊരു ജനവിഭാഗത്തിനിടയിലുള്ള ഫോൺപേയുടെ സ്വാധീനത്തെയും ഡിജിറ്റൽ സേവനങ്ങളുടെ വ്യാപ്തിയെയും എടുത്തുകാണിക്കുന്നതാണ് ഈ നേട്ടം. വർദ്ധിച്ചുവരുന്ന ഉപഭോക്തൃ വിശ്വാസം, ശക്തമായ വിതരണ ശൃംഖല, ലളിതമായ ഡിജിറ്റൽ പേയ്മെൻ്റ് അനുഭവം എന്നിവയിലൂടെ കമ്പനി കൈവരിച്ച സുസ്ഥിരമായ വളർച്ചയെയും ഇത് പ്രതിഫലിപ്പിക്കുന്നു.
ഈ യാത്രയിൽ നേട്ടത്തിൻ്റെ വ്യാപ്തിയോടൊപ്പം തന്നെ വളർച്ചയുടെ വേഗതയും ശ്രദ്ധേയമാണ്. ആദ്യത്തെ പത്ത് ലക്ഷം ഉപയോക്താക്കളെ സ്വന്തമാക്കാൻ ഫോൺപേയ്ക്ക് 136 ദിവസങ്ങൾ വേണ്ടിവന്നുവെങ്കിൽ, ഇന്ന് കേവലം 6 ദിവസത്തിനുള്ളിൽ ആ നാഴികക്കല്ല് കമ്പനി പിന്നിടുന്നു. 2023 സാമ്പത്തിക വർഷം മുതൽ 2025 സാമ്പത്തിക വർഷം വരെ 56.25% കോമ്പൗണ്ട് ആനുവൽ ഗ്രോത്ത് റേറ്റ് (CAGR) സ്ഥിരമായി നിലനിർത്താൻ കമ്പനിക്ക് സാധിച്ചു. വലിയ സ്കെയിലിൽ പ്രവർത്തിക്കുമ്പോഴും വളർച്ചയിൽ പുലർത്തുന്ന ഈ സ്ഥിരത ശ്രദ്ധേയമാണ്.
തടസ്സങ്ങളില്ലാത്തതും സുരക്ഷിതവുമായ ഒരു സാമ്പത്തിക സേവന ഇക്കോസിസ്റ്റം കെട്ടിപ്പടുക്കുന്നതിലുള്ള പ്രതിബദ്ധതയാണ് ഫോൺപേയുടെ ഈ മുന്നേറ്റത്തിന് കരുത്തേകിയത്. വേഗത, വിശ്വാസ്യത, ഉപഭോക്താക്കൾക്ക് മുൻഗണന നൽകുന്ന രൂപകൽപ്പന എന്നിവയ്ക്ക് ഊന്നൽ നൽകിക്കൊണ്ട്, അതിവേഗം ഡിജിറ്റലാകുന്ന ഇന്ത്യയുടെ ആവശ്യങ്ങൾക്കനുസരിച്ച് പ്ലാറ്റ്ഫോം മാറ്റങ്ങൾ ഉൾക്കൊണ്ട് മുന്നേറുകയാണ്.
ഈ നേട്ടത്തെക്കുറിച്ച് ഫോൺപേ സ്ഥാപകനും സിഇഒയുമായ സമീർ നിഗം പറഞ്ഞത്: “രജിസ്റ്റർ ചെയ്ത ഉപയോക്താക്കളുടെ എണ്ണത്തിൽ 70 കോടി പിന്നിടുന്നത് ഞങ്ങളുടെ യാത്രയിലെ സുപ്രധാന നിമിഷമാണ്. രാജ്യത്തുടനീളമുള്ള ഉപയോക്താക്കൾ ഞങ്ങളിൽ അർപ്പിക്കുന്ന വിശ്വാസമാണ് ഇതിലൂടെ വ്യക്തമാകുന്നത്. ഡിജിറ്റൽ പേയ്മെൻ്റുകൾക്കുള്ള വർദ്ധിച്ചുവരുന്ന പ്രസക്തിയാണ് ഞങ്ങളുടെ വളർച്ചയുടെ വേഗതയിൽ പ്രതിഫലിക്കുന്നത്. ഇന്ത്യയുടെ ഡിജിറ്റൽ സമ്പദ്വ്യവസ്ഥയ്ക്ക് മികച്ച സംഭാവനകൾ നൽകുന്നതോടൊപ്പം, എല്ലാവർക്കും ലഭ്യമാകുന്ന ലളിതവും സുരക്ഷിതവുമായ ഉൽപ്പന്നങ്ങൾ നിർമ്മിക്കുന്നതിൽ ഞങ്ങൾ ശ്രദ്ധ കേന്ദ്രീകരിക്കും.”
ഇന്ത്യയുടെ ഡിജിറ്റൽ വളർച്ച മുൻനിർത്തി, സേവനങ്ങൾ കൂടുതൽ മേഖലകളിലേക്ക് വ്യാപിപ്പിക്കാനും ഇന്ത്യക്കാർക്കായി വിവിധ ഡിജിറ്റൽ പ്ലാറ്റ്ഫോമുകളിൽ നിക്ഷേപം തുടരാനും ഫോൺപേ ലക്ഷ്യമിടുന്നു.