iNDiCയുടെ ലോഞ്ച് ആഗോള ഡൈവിംഗ് ഉപകരണ വ്യവസായത്തിലേക്കുള്ള ഇന്ത്യയുടെ പ്രവേശനത്തിന് തുടക്കം കുറിക്കുന്നു

കൊച്ചി: പ്ലാനറ്റ് സ്കൂബ ഇന്ത്യ , ഇന്ത്യയിൽ വികസിപ്പിക്കുകയും നിർമ്മിക്കുകയും ചെയ്ത മറൈൻ മൊബിലിറ്റി സംവിധാനങ്ങൾ, അണ്ടർവാട്ടർ ഇലക്ട്രോണിക്സ്, ഡൈവിംഗ് സംവിധാനങ്ങൾ എന്നിവ ഉൾക്കൊള്ളുന്ന ഇന്ത്യയിലെ ആദ്യ തദ്ദേശീയ ഡൈവിംഗ് ഉപകരണ ബ്രാൻഡായ iNDiCയുടെ ലോഞ്ച് ഇന്ന് പ്രഖ്യാപിച്ചു.

അന്താരാഷ്ട്ര നിർമ്മാതാക്കൾ ദീർഘകാലമായി ആധിപത്യം പുലർത്തിയിരുന്ന ഒരു പ്രത്യേക മേഖലയിലെ ഇന്ത്യയുടെ കഴിവുകൾ വികസിപ്പിക്കുന്നതിലേക്കുള്ള ആദ്യത്തെ സുപ്രധാന ചുവടുവയ്പ്പാണ് iNDiC. തുടക്കത്തിൽ ഇന്ത്യൻ സായുധ സേനകളുടെ പ്രവർത്തനപരമായ ആവശ്യകതകളെ അടിസ്ഥാനമാക്കി രൂപകൽപ്പന ചെയ്ത iNDiC, വിശാലമായ അന്താരാഷ്ട്ര ഉപഭോക്തൃ സമൂഹത്തെ ലക്ഷ്യമിട്ടാണ് തുടക്കം മുതൽ വികസിപ്പിച്ചിരിക്കുന്നത്.

സൈനിക, പ്രൊഫഷണൽ ഡൈവിംഗ് ആവശ്യങ്ങൾക്കായി വികസിപ്പിച്ച iNDiC, അന്താരാഷ്ട്ര സാങ്കേതികവിദ്യയെ ഇന്ത്യൻ എൻജിനീയറിംഗ്, നിർമ്മാണ, പ്രവർത്തന പരിചയങ്ങളുമായി സംയോജിപ്പിച്ച് ദൗത്യങ്ങൾക്ക് സജ്ജമായ ഉപകരണങ്ങൾ വികസിപ്പിക്കുന്നു. ഹിമാലയത്തിലെ ഉയർന്ന പ്രദേശങ്ങളിലുള്ള തടാകങ്ങൾ മുതൽ ഇന്ത്യൻ മഹാസമുദ്രത്തിലെ ആഴമേറിയ ജലപ്രദേശങ്ങൾ വരെയുള്ള ഏറ്റവും വെല്ലുവിളി നിറഞ്ഞ അണ്ടർവാട്ടർ സാഹചര്യങ്ങളിൽ പോലും ഉപയോഗിക്കാനാകുന്ന തരത്തിലാണ് ഈ ഉപകരണങ്ങൾ രൂപകൽപ്പന ചെയ്തിരിക്കുന്നത്.

“സ്വന്തമായി സ്ഥാപിതമായ ഡൈവിംഗ് ഉപകരണ നിർമ്മാണ ഇക്കോസിസ്റ്റം ഇല്ലാത്ത ഏക ആഗോള ശക്തിയാണ് ഇന്ത്യ. iNDiCയിലൂടെ ഞങ്ങൾ ഈ സ്ഥിതിക്ക് മാറ്റം വരുത്തുകയാണ്. ഇന്ത്യയ്ക്ക് വിപുലമായ എൻജിനീയറിംഗ്, നിർമ്മാണ വൈദഗ്ധ്യമുണ്ട്. ഡൈവിംഗ് സംവിധാനങ്ങളിലെ ഞങ്ങളുടെ അനുഭവവും അന്താരാഷ്ട്ര സാങ്കേതികവിദ്യയിലേക്കുള്ള പ്രവേശനവും ഈ ശക്തിയുമായി സംയോജിപ്പിച്ചാണ് ആദ്യത്തെ ഇന്ത്യൻ അണ്ടർവാട്ടർ എൻജിനീയറിംഗ് ഇക്കോസിസ്റ്റമായ iNDiC Network രൂപീകരിച്ചത്. ഇന്ന്, രാജ്യത്തിനകത്ത് തന്നെ അണ്ടർവാട്ടർ ഉപകരണങ്ങൾ രൂപകൽപ്പന ചെയ്യാനും എൻജിനീയറിംഗ് നടത്താനും നിർമ്മിക്കാനും ആവശ്യമായ എല്ലാ കഴിവുകളും ശേഷികളും ഞങ്ങൾക്കുണ്ട്.” – Planet Scuba Indiaയുടെ സ്ഥാപകനും മാനേജിംഗ് ഡയറക്ടറുമായ മാധവ റെഡ്ഡി പറഞ്ഞു.

ശ്വസന, ലൈഫ് സപ്പോർട്ട് സംവിധാനങ്ങളുമായി ബന്ധപ്പെട്ട് പ്രവർത്തിക്കുന്ന DRDOയുടെ വിഭാഗമായ Defence Bioengineering & Electromedical Laboratory (DEBEL) ഡയറക്ടർ ഡോ. ആർ. ഇന്ദു ശേഖർ ആണ് ബ്രാൻഡ് ലോഞ്ച് ചെയ്തത്.

“ഇന്ത്യയിൽ ഡൈവിംഗ് ഉപകരണങ്ങളുടെ തദ്ദേശീയവൽക്കരണത്തിൽ Planet Scuba Indiaയും മാധവ റെഡ്ഡിയും കൈവരിച്ചിരിക്കുന്ന ശ്രദ്ധേയമായ പുരോഗതി ഏറെ സന്തോഷം നൽകുന്നതാണ്.” – DEBEL ഡയറക്ടർ ഡോ. ആർ. ഇന്ദു ശേഖർ പറഞ്ഞു.

“ഞങ്ങളുടെ പ്രതിരോധ വിതരണ ശൃംഖലയിലെ നിർണായകമായ ഒരു വിടവ് Planet Scuba വിജയകരമായി നികത്തിയിരിക്കുകയാണ്. ഉയർന്ന കൃത്യതയുള്ള തദ്ദേശീയ അണ്ടർവാട്ടർ സാങ്കേതികവിദ്യ ഇന്ത്യൻ സായുധ സേനകൾക്ക് വിതരണം ചെയ്യുന്നതിൽ ഞങ്ങൾക്ക് ഏറെ അഭിമാനമുണ്ട്.” – Planet Scuba Indiaയുടെ ചെയർപേഴ്സണും വിരമിച്ച മേജർ ജനറലുമായ തേജിന്ദർ ജഗ്ഗി പറഞ്ഞു:

“ആഭ്യന്തര ഡിസൈനിലും പ്രാദേശികവൽക്കരിച്ച നിർമ്മാണത്തിലും നിക്ഷേപം നടത്തുന്നതിനുള്ള അനവധി സംരംഭങ്ങൾക്ക് പ്രചോദനമായ ആത്മനിർഭർ ഭാരത് എന്ന ദർശനത്തിന്റെ സാക്ഷാത്കാരമാണ് iNDiC.  iNDiC യുടെ തദ്ദേശീയ വികസന പദ്ധതി ഇപ്പോൾ ഓപ്പൺ-സർക്യൂട്ട് ഡൈവിംഗ് സംവിധാനങ്ങൾ, കോംബാറ്റ് റീബ്രിതറുകൾ, ഡൈവ് പ്രൊപ്പൽഷൻ വാഹനങ്ങൾ, മറ്റ് അണ്ടർവാട്ടർ സാങ്കേതികവിദ്യകൾ എന്നിവയിലേക്കും വ്യാപിച്ചിരിക്കുകയാണ്.” – അദ്ദേഹം കൂട്ടിച്ചേർത്തു.

iNDiC യുടെ പോർട്ട്ഫോളിയോയിൽ നിലവിൽ ഉൽപ്പാദനം, പരിശോധന, സർട്ടിഫിക്കേഷൻ തുടങ്ങിയ വിവിധ ഘട്ടങ്ങളിലുള്ള സാങ്കേതികവിദ്യകൾ ഉൾപ്പെടുന്നു. ഇതിൽ PranKosh എന്ന ഓപ്പൺ-സർക്യൂട്ട് ഡൈവിംഗ് സംവിധാനം, Meen CR എന്ന കോംബാറ്റ് റീബ്രിതർ, SagarCom എന്ന വയർലെസ് അണ്ടർവാട്ടർ കമ്മ്യൂണിക്കേഷൻ സംവിധാനം, Garuda എന്ന ഹെലികോപ്റ്റർ എമർജൻസി ബ്രീത്തിംഗ് സംവിധാനം, Matsya എന്ന ഡൈവ് പ്രൊപ്പൽഷൻ വാഹനം എന്നിവ ഉൾപ്പെടുന്നു. ഇതോടൊപ്പം അണ്ടർവാട്ടർ മൊബിലിറ്റി, ആശയവിനിമയം, ലൈഫ്-സപ്പോർട്ട് സാങ്കേതികവിദ്യകൾ എന്നിവയുമായി ബന്ധപ്പെട്ട വിപുലമായ വികസന പദ്ധതികളും iNDiC-നുണ്ട്.