Category : Kerala Mex

കണ്ണൂർ : ഇന്‍ഡക്ഷന്‍ കുക്കറില്‍ നിന്ന് ഷോക്കേറ്റ് മധ്യവയസ്‌കൻ മരിച്ചു. കണ്ണൂർ മുണ്ടേരി സ്വദേശി മനോജ് ആണ് മരിച്ചത്. ഇന്നലെ രാത്രി വീട്ടില്‍ വെച്ചായിരുന്നു അപകടമുണ്ടായത്. മനോജ് തനിച്ചാണ് താമസിക്കുന്നത്. വീട്ടിലെത്തിയ സുഹൃത്തുക്കളാണ് പൊള്ളലേറ്റ നിലയിൽ മനോജിനെ അടുക്കളയിലെ നിലത്ത് കണ്ടെത്തിയത്. ദേഹത്ത് ഇൻഡക്ഷൻ കുക്കറുമുണ്ടായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ഇൻഡക്ഷൻ കുക്കറിൽ നിന്നും നേരത്തെയും ഷോക്കേറ്റ സ്ഥിതിയുണ്ടായിരുന്നുവെന്നാണ് ബന്ധുക്കൾ പറയുന്നത്

ഹൈദരാബാദ്: ഹൈദരാബാദിൽ വിദ്യാർത്ഥികൾ തമ്മിൽ സംഘർഷം.നാരായണ ജൂനിയർ കോളേജിൽ വെച്ച് രണ്ട് വിദ്യാർത്ഥികൾ തമ്മിൽ വാക്കുതർക്കം ഉണ്ടാകുകയും തുടർന്ന് ഫ്ലോർ ഇൻ ചാർജ് ആയ സതീഷ്, സായ് പുനീത് എന്ന വിദ്യാർത്ഥിയെ ആക്രമിക്കുകയാ യിരുന്നു.ആക്രമണത്തിൽ ഇന്റർമീഡിയറ്റ് വിദ്യാർത്ഥിയുടെ താടിയെല്ലിന് ഒടിവ് സംഭവിച്ചു. ഇയാൾ പ്രകോപിതനായി അയാൾ വിദ്യാർത്ഥികളെ മർദ്ദിച്ചു. ഇതിന്റെ ഫലമായി സായ് പുനീതിന്റെ താടിയെല്ല് ഒടിഞ്ഞു. സായ് പുനീതിനെ ഉടൻതന്നെ വൈദ്യചികിത്സയ്ക്കായി അടുത്തുള്ള ആശുപത്രിയിലേക്ക് കൊണ്ടുപോവുകയായിരുന്നു. സംഭവത്തിൽ വിദ്യാർത്ഥിയുടെ

തിരുവനന്തപുരം: പേരൂർക്കട എസ്.എ.പി ക്യാമ്പിലെ പൊലീസ് ട്രെയ്‌നി ആനന്ദിന്റെ മരണത്തിൽ ഉന്നതല അന്വേഷണത്തിന് ഉത്തരവിട്ടു. വനിതാ ബറ്റാലിയൻ കമാൻഡന്റിനാണ് അന്വേഷണ ചുമതല. ഡി.ഐ.ജി. അരുൾ ബി. കൃഷ്ണയുടെ മേൽനോട്ടത്തിൽ നടക്കുന്ന അന്വേഷണത്തിൽ, എസ്.എ.പി. ക്യാമ്പിന്റെ ഭാഗത്തുനിന്ന് എന്തെങ്കിലും വീഴ്ചയുണ്ടായോ എന്ന കാര്യം പരിശോധിക്കും. ഇന്നലെയാണ് ആനന്ദിനെ മരിച്ച നിലയിൽ കണ്ടെത്തിയത്. അന്വേഷണ റിപ്പോർട്ട്‌ ഉടൻ സമർപ്പിക്കാൻ നിർദേശമുണ്ട്. ആനന്ദിന്റെ മരണത്തിൽ ക്യാമ്പിലെ ഒരു ഉദ്യോഗസ്ഥനെതിരെ കുടുംബം രംഗത്തെത്തിയിരുന്നു. ഹവിൽദാർ ബിപിൻ

തൃശൂർ: ഇടപ്പള്ളി – മണ്ണുത്തി ദേശീയപാതയിലെ ഗതാഗതക്കുരുക്കിനെ തുടർന്ന് പാലിയേക്കരയിലെ ടോള്‍ പിരിവ് മരവിപ്പിച്ച നടപടി റദാക്കി ഹൈക്കോടതി. പാലിയേക്കരയിൽ തിങ്കളാഴ്ച മുതൽ ടോൾ പിരിവ് തുടരുമെന്ന് ഹൈക്കോടതി വ്യക്തമാക്കി. ഉത്തരവ് തിങ്കളാഴ്ച പ്രഖ്യാപിക്കുമെന്നും ടോൾ പിരിവിൽ നിബന്ധനകൾ ഉണ്ടാകുമെന്നും കോടതി അറിയിച്ചു. ടോള്‍ നിരക്ക് വര്‍ധിപ്പിച്ച രേഖകള്‍ ഹാജരാക്കാനും കോടതി നിര്‍ദേശിച്ചു. ഇടപ്പള്ളി മണ്ണുത്തി ദേശീയപാത നവീകരണം മന്ദഗതിയില്‍ ആയതിന് പിന്നാലെയാണ് പാലിയേക്കരയിലെ ടോള്‍ പിരിവിന് വിലക്ക് ഏര്‍പ്പെടുത്തിയത്.

വെഞ്ഞാറമൂട്: തിരുവനന്തപുരം വാമനപുരത്ത് സ്കൂൾ ബസ് വയലിലേക്ക് മറിഞ്ഞു. അപകടത്തിൽ 11 കുട്ടികൾക്ക് നിസാര പരിക്കേറ്റു. പരപ്പാറ നോബിൾ സ്കൂളിന്‍റെ ബസാണ് മറിഞ്ഞത്. ബസിൽ 15 കുട്ടികൾ ഉണ്ടായിരുന്നു. വെഞ്ഞാറമൂട് പൊലീസ് സ്ഥലത്തെത്തി രക്ഷാപ്രവ‍‍ർത്തനം നടത്തി. കുട്ടികളുടെ പരിക്കുകൾ ഗുരുതരമല്ലെന്ന് വെഞ്ഞാറമൂട് പൊലീസ് അറിയിച്ചു. പരിക്കേറ്റ കുട്ടികളെ വാമനപുരം പിഎച്ച്സിയിൽ പ്രവേശിപ്പിച്ചു. വണ്ടി തിരിക്കാനായി പിന്നോട്ട് എടുത്തപ്പോഴാണ് അപകടം സംഭവിച്ചത്.