വയനാടിനായി ഒന്നിച്ചോടി എൻഡ്യൂറൻസ് അത്‌ലറ്റ്സ് ഓഫ് തൃശൂർ കൂട്ടായ്മ

തൃശൂർ: വയനാട് ജനതയുടെ അതിജീവനത്തിന് കൈത്താങ്ങായി എൻഡ്യൂറൻസ് അത്‌ലറ്റ്സ് ഓഫ് തൃശൂർ (EAT). ദൃശ്യം ഐ കെയർ ഹോസ്പിറ്റലിൻ്റെ സഹകരണത്തോടെ നടത്തിയ ‘ റൺ ഫോർ വയനാട് ‘ 5 കി.മീ. ചാരിറ്റി റൺ ജില്ലാ കളക്ടർ അർജുൻ പാണ്ഡ്യൻ ഫ്ളാഗ് ഓഫ് ചെയ്തു.

മുഖ്യാതിഥിയായി പങ്കെടുത്ത സിറ്റി പോലീസ് കമ്മീഷണർ ആർ ഇളങ്കോ കലക്ടറോടൊപ്പം 5 കി.മീ ദൂരം ഓടി കൂട്ടായ്മയിൽ അണിചേർന്നു. തെക്കേ ഗോപുര നടയിൽ നിന്നാരംഭിച്ച് സ്വരാജ് റൗണ്ട്, വടക്കേ സ്റ്റാൻ്റ്, അശ്വനി ജംഗ്ഷൻ, പാട്ടുരായ്ക്കൽ, വിദ്യാർത്ഥി കോർണർ വഴി തിരിച്ച് തെക്കേ ഗോപുരനടയിൽ അവസാനിക്കുന്ന രീതിയിലായിരുന്നു മിനി മാരത്തോൺ സംഘടിപ്പിച്ചത്.