മലമ്പുഴ ബ്ലോക്ക് പഞ്ചായത്തിൽ വർക്കിങ് ഗ്രൂപ്പ് ജനറൽ ബോഡി യോഗം ചേർന്നു

പാലക്കാട്: മലമ്പുഴ ബ്ലോക്ക് പഞ്ചായത്ത് പതിനാലാം പഞ്ചവത്സര പദ്ധതി രൂപീകരണവുമായി ബന്ധപ്പെട്ട് വർക്കിങ് ഗ്രൂപ്പ് ജനറൽ ബോഡി യോഗം ചേർന്നു. മലമ്പുഴ ബ്ലോക്ക് പഞ്ചായത്ത് കോൺഫറൻസ് ഹാളിൽ നടന്ന യോഗം ബ്ലോക്ക് പഞ്ചായത്ത് പ്രസിഡന്റ് വി. ബിജോയ് ഉദ്ഘാടനം ചെയ്തു.

ബ്ലോക്ക് പഞ്ചായത്തിന്റെ ഫണ്ട് അലോക്കേഷൻ സംബന്ധിച്ച വിവരങ്ങൾ യോഗത്തിൽ അവതരിപ്പിച്ചു. തുടർന്ന് 13 വർക്കിങ് ഗ്രൂപ്പായി തിരിഞ്ഞ് ചർച്ച നടത്തുകയും ശേഷം ബന്ധപ്പെട്ട ചെയർമാന്മാർ വർക്കിങ് ഗ്രൂപ്പിൽ ഉയർന്നുവന്ന ആശയങ്ങൾ അവതരിപ്പിക്കുകയും ചെയ്തു.

വികസനകാര്യ സ്ഥിരം സമിതി ചെയർപേഴ്സൺ കോമളം അധ്യക്ഷയായ പരിപാടിയിൽ സെക്രട്ടറി സദാശിവൻ, ഹെഡ് ക്ലർക്ക്, വർക്കിങ് ഗ്രൂപ്പ് അംഗങ്ങൾ എന്നിവർ പങ്കെടുത്തു.