പേരാമ്പ്രയിൽ വാഹനങ്ങൾ തീവെച്ച് നശിപ്പിച്ചു

കോഴിക്കോട്: പേരാമ്പ്ര എടവരാട് വാഹനങ്ങള്‍ തീവെച്ചു നശിപ്പിച്ചു. കൊയിലോത്ത് മോഹനന്‍ എന്നയാളുടെ ഓട്ടോറിക്ഷയും കൊയിലോത്ത് ഷിബിന്‍ എന്നയാളുടെ ബൈക്കുമാണ് തീവെച്ച് നശിപ്പിച്ചത്. തിങ്കളാഴ്ച പുലര്‍ച്ചെ രണ്ടു മണിയോടെയാണ് സംഭവം. തീ ആളിക്കത്തുന്നത് കണ്ട് സമീപവാസികളും വീട്ടുകാരും ചേര്‍ന്ന് തീ അണ്ക്കാന്‍ ശ്രമിച്ചെങ്കിലും വാഹനങ്ങള്‍ പൂര്‍ണമായി കത്തി. വാഹന ഉടമകളായ മോഹനനും ഷിബിനും ഓട്ടോ തൊഴിലാളികളാണ്.

സംഭവത്തിന് പിന്നില്‍ ഓട്ടോറിക്ഷാ തൊഴിലാളികള്‍ തമ്മിലുളള പ്രശ്‌നമാണെന്നാണ് സൂചന. ഏതാനും ദിവസും മുമ്പും പ്രദേശത്ത് ഒരു ഓട്ടോറിക്ഷ സമാനമായി കത്തി നശിച്ചിരുന്നു. അതിന്റെ തുടര്‍ച്ചയായുള്ള പ്രശ്‌നമാണ് ഇതെന്നാണ് പോലീസിന് ലഭിച്ചിരിക്കുന്ന പ്രാഥമിക വിവരം.