ക്യാപ്റ്റന്‍ മില്ലര്‍ ഒടിടി റിലീസിന്

ധനുഷ് ചിത്രം ക്യാപ്റ്റന്‍ മില്ലര്‍ ഒടിടി റിലീസ് ഉടൻ. വേറിട്ട ഒരു കഥാപാത്രവുമായാണ് ക്യാപ്റ്റന്‍ മില്ലര്‍ എത്തിയത്. ഞെട്ടിക്കുന്ന പ്രകടനമാണ് നടന്‍ ധനുഷ് ചിത്രത്തില്‍ നടത്തിയത് എന്നാണ് പ്രതികരണങ്ങള്‍. വമ്പന്‍ വിജയം നേടാനും ധനുഷ് ചിത്രത്തിന് കഴിഞ്ഞു എന്ന് റിപ്പോര്‍ട്ടുകള്‍ വ്യക്തമാക്കുന്നു.

നെറ്റ്ഫ്‌ലിക്‌സാണ് ക്യാപ്റ്റന്‍ മില്ലര്‍ എന്ന ചിത്രത്തിന്റെ ഒടിടി റൈറ്റ്‌സ് നേടിയിരിക്കുന്നത് എന്നാണ് റിപ്പോര്‍ട്ട്. ഫെബ്രുവരിയില്‍ ധനുഷിന്റെ ക്യാപ്റ്റന്‍ മില്ലര്‍ ഒടിടിയില്‍ പ്രദര്‍ശനത്തിന് എത്തും എന്ന് റിപ്പോര്‍ട്ടുകള്‍ വ്യക്തമാക്കുന്നു. ഇക്കാര്യത്തില്‍ ഔദ്യോഗിക സ്ഥിരീകരണമില്ല. ക്യാപ്റ്റന്‍ മില്ലര്‍ വെറും 50 കോടി ബജറ്റിലാണ് ഒരുക്കിയത്.

അരുണ്‍ മതേശ്വരനാണ് സംവിധാനം ചെയ്തത്. ധനുഷ് നായകനായ ക്യാപ്റ്റന്‍ മില്ലര്‍ ചിത്രത്തില്‍ നായിക പ്രിയങ്ക അരുള്‍ മോഹനുമൊപ്പം സുന്ദീപ് കിഷന്‍, ശിവരാജ് കുമാര്‍, ജോണ്‍ കൊക്കെന്‍, നിവേധിത സതിഷും പ്രധാനപ്പെട്ട കഥാപാത്രങ്ങളായി എത്തുന്നു. ഛായാഗ്രാഹണം സിദ്ധാര്‍ഥാണ് നിര്‍വഹിച്ചിരിക്കുന്നത്. ജി വി പ്രകാശ് കുമാര്‍ ആണ് സംഗീതം നിർവഹിച്ചത് .