അയോധ്യയിലെ ക്ഷേത്ര പ്രതിഷ്ഠ ബിജെപി തെരഞ്ഞെടുപ്പ് ആയുധമാക്കുന്നു- എം വി ഗോവിന്ദൻ

അയോധ്യയിലെ ക്ഷേത്ര പ്രതിഷ്ഠ ബിജെപി തെരഞ്ഞെടുപ്പ് ആയുധമാക്കുകയാണെന്ന് സിപിഐഎം സംസ്ഥാന സെക്രട്ടറി എം വി ഗോവിന്ദൻ.

അയോധ്യ രാമക്ഷേത്ര പ്രതിഷ്‌ഠ ചടങ്ങ് വിശ്വാസത്തെ രാഷ്ട്രീയവത്കരിക്കുന്നു. അത് തെരെഞ്ഞെടുപ്പിലേക്കുള്ള ഇന്ധനമാക്കുകയാണ് ബിജെപി.  ചിത്രയും ശോഭനയും എല്ലാം നാടിന്‍റെ സ്വത്ത് ആണ്. അവരെ ഏതെങ്കിലും കള്ളിയില്‍ ആക്കേണ്ട കാര്യം ഇല്ല.

കേരളത്തോട് കേന്ദ്രം വെല്ലുവിളിക്കുകയാണ്. കേന്ദ്രത്തിനെതിരെയുള്ള സമരം അടുത്ത മാസം 8 ന്. മുഖ്യമന്ത്രയുൾപ്പെടയുള്ളവർ പങ്കെടുക്കും. യോജിച്ച സമരത്തില്‍നിന്നും വിട്ടുനില്‍ക്കുന്നത് രാഷ്ട്രീയ കാരണങ്ങള്‍ കൊണ്ടാണ് എന്നാണ് പ്രതിപക്ഷ വിശദീകരണം. ജനങ്ങളോടൊപ്പം നിൽക്കാനാകില്ലെന്നാണ് പ്രതിപക്ഷം പരസ്യ നിലപാട് എടുക്കുന്നതെന്നും എംവി ഗോവിന്ദന്‍ പ്രതികരിച്ചു.