ഇന്ത്യൻ സ്മാർട്ട്ഫോൺ വിപണിയിൽ മെമ്മറി, സ്റ്റോറേജ് ഘടകങ്ങളുടെ വില വർധിച്ചതോടെ മിഡ്-റേഞ്ച് ഫോണുകളുടെ വിലയിലും മാറ്റങ്ങളുണ്ടായിട്ടുണ്ട്. എങ്കിലും മികച്ച പെർഫോമൻസ്, ദീർഘനേരം നീണ്ടുനിൽക്കുന്ന വമ്പൻ ബാറ്ററി, സ്മൂത്ത് ഡിസ്പ്ലേ എന്നിവ ആഗ്രഹിക്കുന്നവർക്കായി 30,000 രൂപ ബജറ്റിൽ തിരഞ്ഞെടുക്കാവുന്ന മികച്ച മോഡലുകൾ ഏതൊക്കെയെന്ന് നോക്കാം.
വൺപ്ലസ് നോർഡ് സിഇ6 ലൈറ്റ്
ദൈനംദിന ഉപയോഗത്തിന് ഏറ്റവും മികച്ച ഓപ്ഷൻ
ഡിസ്പ്ലേ: 6.72 ഇഞ്ച് Full HD+ സ്ക്രീൻ (1,000 nits പീക്ക് ബ്രൈറ്റ്നസ്), 144Hz റിഫ്രഷ് റേറ്റ്.
പ്രൊസസർ: മീഡിയാടെക്ക് ഡൈമൻസിറ്റി 7400 Apex (BGMI പോലുള്ള ഗെയിമുകൾ 90fps വരെ സപ്പോർട്ട് ചെയ്യും).
ബാറ്ററി: 7,000mAh വമ്പൻ ബാറ്ററി (45W സൂപ്പർവൂക്ക് ഫാസ്റ്റ് ചാർജിങ്).
പ്രത്യേകത: മിലിട്ടറി ഗ്രേഡ് (MIL-STD-810H) ഡ്യൂറബിലിറ്റിയും IP64 റേറ്റിംഗും ഉള്ളതിനാൽ ഫോൺ കൂടുതൽ കാലം ഈടുനിൽക്കും.
പോക്കോ X7 പ്രോ
ഗെയിമിംഗിനും ഉയർന്ന പ്രകടനത്തിനും മുൻഗണന നൽകുന്നവർക്ക്
ഡിസ്പ്ലേ: 1.5K റെസല്യൂഷനുള്ള 120Hz AMOLED ഡിസ്പ്ലേ.
പ്രൊസസർ: ശക്തമായ മീഡിയാടെക്ക് ഡൈമൻസിറ്റി 8400 അൾട്രാ ചിപ്സെറ്റ്.
ബാറ്ററി & ചാർജിങ്: 6,550mAh ബാറ്ററി, 90W ഫാസ്റ്റ് ചാർജിങ് സപ്പോർട്ട്.
ആൻടുടു (AnTuTu) ടെസ്റ്റിൽ ഏകദേശം 16 ലക്ഷത്തിനടുത്ത് സ്കോർ നേടി ഈ ബജറ്റിലെ ഏറ്റവും കരുത്തൻ ഫോണുകളിലൊന്നായി ഇത് മാറുന്നു. (കുറഞ്ഞ ബജറ്റിൽ Poco X7 മോഡലും ലഭ്യമാണ്).
iQOO Z11
മികച്ച ബാറ്ററിയും ഈടുനിൽപ്പും ഒരേപോലെ ആഗ്രഹിക്കുന്നവർക്ക്
ഡിസ്പ്ലേ: 6.7 ഇഞ്ച് 120Hz ഡിസ്പ്ലേ.
പ്രൊസസർ: മീഡിയാടെക്ക് ഡൈമൻസിറ്റി 7400-Turbo ചിപ്സെറ്റ്.
ബാറ്ററി: 7,200mAh ശേഷിയുള്ള വമ്പൻ ബാറ്ററി ലൈഫ്.
മുൻനിര ഫോണുകളിൽ കാണുന്ന IP68, IP69+ വാട്ടർ ആൻഡ് ഡസ്റ്റ് റെസിസ്റ്റൻസ് സുരക്ഷ ഇതിലുണ്ട്. കൂടാതെ മുൻ-പിൻ ക്യാമറകളിൽ 4K വീഡിയോ റെക്കോർഡിംഗും സാധ്യമാണ്.
റിയൽമി P4 പവർ
അതിശക്തമായ ബാറ്ററിയുടെ പവർ ഹൗസ്
ഡിസ്പ്ലേ: 6.8 ഇഞ്ച് 144Hz AMOLED ഡിസ്പ്ലേ.
പ്രൊസസർ: മീഡിയാടെക്ക് ഡൈമൻസിറ്റി 7400 അൾട്രാ.
ബാറ്ററി: സ്മാർട്ട്ഫോൺ വിപണിയിലെ തന്നെ റെക്കോർഡ് റേറ്റായ 10,001mAh ടൈറ്റൻ ബാറ്ററി (80W ഫാസ്റ്റ് ചാർജിങ്).
പ്രത്യേകത: ദിവസങ്ങളോളം ചാർജ് തീരാതെ ഉപയോഗിക്കാം. വമ്പൻ ബാറ്ററിയുണ്ടെങ്കിലും സ്ലിം ഡിസൈനിലാണ് ഫോൺ ഒരുക്കിയിരിക്കുന്നത്.