പോസ്റ്റ് ഓഫീസ് വഴി മയക്കുമരുന്ന് കടത്താൻ ശ്രമിച്ച അഞ്ച് പേർ അറസ്റ്റിലായി

പോസ്റ്റ് ഓഫീസ് വഴി മയക്കുമരുന്ന് കടത്താൻ ശ്രമിച്ച അഞ്ച് പേർ അറസ്റ്റിലായി. ആലുവ സ്വദേശി ശരത്, കാക്കനാട് സ്വദേശി ഷാരോൺ, എബിൻ എന്നിവരുടെ പേരിൽ വിദേശത്ത് നിന്ന് എത്തിയ പാഴ്സലുകൾ പരിശോധിച്ചപ്പോഴാണ് മയക്കുമരുന്ന് കടത്തിന്റെ ദുരൂഹത പുറത്തറിയുന്നത്. തുടർന്നുള്ള അന്വേഷണത്തിൽ അഞ്ചുപേരെ നാർക്കോട്ടിക് കൺട്രോൾ ബ്യൂറോ (എൻസിബി) അറസ്റ്റ് ചെയ്തു.

അഞ്ചംഗ സംഘത്തിൽ നിന്ന് 300 മയക്കുമരുന്ന് സ്റ്റാമ്പുകൾ എൻസിബി കണ്ടെടുത്തു. ജർമ്മനി ഉൾപ്പെടെയുള്ള രാജ്യങ്ങളിൽ നിന്ന് തപാൽ വഴി ഇറക്കുമതി ചെയ്യുന്ന മയക്കുമരുന്ന് സ്റ്റാമ്പുകൾ കൊച്ചി നഗരത്തിലും പരിസര പ്രദേശങ്ങളിലും വ്യാപകമായി വിതരണം ചെയ്യുന്നതായി വിവരം ലഭിച്ചു. തുടർന്ന് കൊച്ചി, കാക്കനാട്, ആലുവ, ഏരൂർ എന്നിവിടങ്ങളിൽ നടത്തിയ പരിശോധനയിലാണ് സംഘം പിടിയിലായത്. സംഭവത്തിൽ സമഗ്ര അന്വേഷണം നടത്തുമെന്ന് എൻസിബി അറിയിച്ചു.