ദശലക്ഷക്കണക്കിന് ആരാധകരിലേക്ക് ഫിഫ ആവേശം എത്തിച്ചുകൊണ്ട് തങ്ങളുടെ പ്ലാറ്റ്ഫോമിലൂടെ തടസ്സമില്ലാത്തതും ഉയർന്ന നിലവാരമുള്ളതുമായ സ്ട്രീമിംഗ് വഴി പ്രേക്ഷകരുടെ ഫുട്ബോൾ അനുഭവവും ആവേശവും ഉയർത്താൻ ZEE5 ഒരുങ്ങുകയാണ് . വിപുലമായ പ്രചാരവും അത്യാധുനിക ഡിജിറ്റൽ ശേഷിയും ഉപയോഗിച്ച്, ZEE5 തത്സമയ മത്സരങ്ങളും ഹൈലൈറ്റുകളും മറ്റു പ്രത്യേക പരുപാടികളും ജൂൺ 11 മുതൽ സംപ്രേഷണം ചെയ്തു തുടങ്ങും. ഇതിലൂടെ പ്രേക്ഷകർക്ക് വിവിധ ഉപകരണങ്ങളിലുടനീളം ഈ ആഗോള ഫുട്ബോൾ മാമാങ്കത്തിന്റെ ഓരു നിമിഷം പോലും നഷ്ടമാകുന്നില്ലെന്ന് ഉറപ്പാക്കാനാകുന്നു . ഈ കൂട്ടുകെട്ട്, കായിക മേഖലയിലെ തങ്ങളുടെ സാന്നിധ്യം ശക്തമാക്കുന്നതിനൊപ്പം ഫിഫ ടൂർണമെന്റുകളുടെ ആവേശത്തിനും വ്യാപ്തിക്കും അനുയോജ്യമായ രീതിയിൽ പ്രേക്ഷകർക്ക് ആഴത്തിലുള്ളതും എളുപ്പത്തിൽ ലഭ്യമാകുന്നതുമായ ഒരു പ്രീമിയം വിനോദാനുഭവം സമ്മാനിക്കാനുള്ള ZEE5-ന്റെ പ്രതിബദ്ധതയെ അടിവരയിടുന്നു.
ആരാധകരുടെ കാഴ്ചാ അനുഭവത്തിന് കൂടുതൽ ആവേശം പകർന്നുകൊണ്ട്, ഫിഫ വേൾഡ് കപ്പ് 2026-നായുള്ള ZEE5-ന്റെ വിദഗ്ദ്ധ പാനലിൽ ഇന്ത്യൻ ഫുട്ബോൾ ഇതിഹാസം ബൈചുങ് ബൂട്ടിയ ചേരുന്നതാണ്. ഇന്ത്യയിലെ എക്കാലത്തെയും മികച്ച ഫുട്ബോൾ കളിക്കാരിൽ ഒരാളായി പരക്കെ കണക്കാക്കപ്പെടുന്ന ബൂട്ടിയ, തന്റെ ശ്രദ്ധേയമായ കരിയർ, നേതൃപാടവം, ഇന്ത്യൻ ഫുട്ബോളിന് നൽകിയ സംഭാവനകൾ എന്നിവയിലൂടെ രാജ്യത്ത് ഈ കായിക വിനോദത്തെ ജനകീയമാക്കുന്നതിൽ നിർണായക പങ്ക് വഹിച്ച വ്യക്തിയാണ്. കളിയെക്കുറിച്ചുള്ള അദ്ദേഹത്തിന്റെ ആഴത്തിലുള്ള അറിവും സമ്പന്നമായ പരിചയസമ്പത്തും, ടൂർണമെന്റിനെക്കുറിച്ച് കൂടുതൽ ആഴത്തിലുള്ള ഉൾക്കാഴ്ചകൾ നേടാൻ ആഗ്രഹിക്കുന്ന ആരാധകർക്ക് ഒരു വിലപ്പെട്ട ശബ്ദമാക്കി മാറ്റുന്നു.
വിദഗ്ദ്ധ പാനലിന്റെ ഭാഗമാകുന്നതിനെക്കുറിച്ച് സംസാരിക്കവെ ബൈചുങ് ബൂട്ടിയ പറഞ്ഞു, “ഇന്ത്യയിലെ തലമുറകളായുള്ള ഫുട്ബോൾ ആരാധകർക്ക് ഫിഫ വേൾഡ് കപ്പ് എല്ലായ്പ്പോഴും പ്രചോദനത്തിന്റെയും പ്രതീക്ഷകളുടെയും മറക്കാനാവാത്ത ഓർമ്മകളുടെയും ഉറവിടമാണ് . ഇത് കായികരംഗത്തിന് അപ്പുറം വളരുകയും കളിയോടുള്ള പങ്കുവെക്കപ്പെട്ട ആവേശം വഴി ആളുകളെ ഒന്നിപ്പിക്കുകയും ചെയ്യുന്ന ഒരു ടൂർണമെന്റാണ് . വിദഗ്ദ്ധ പാനലിന്റെ ഭാഗമായി ZEE5, UNITE8 സ്പോർട്സ് എന്നിവയുമായി സഹകരിക്കുന്നതിലും, വേൾഡ് കപ്പിനെ സവിശേഷമാക്കുന്ന കഥകളിലേക്കും കിടമത്സരങ്ങളിലേക്കും സുവര്ണ്ണ നിമിഷങ്ങളിലേക്കും ആരാധകരെ കൂടുതൽ അടുപ്പിക്കുന്നതിൽ പങ്കാളിയാകാൻ സാധിക്കുന്നതിലും എനിക്ക് അതിയായ സന്തോഷമുണ്ട് . ഇന്ത്യയിലുടനീളം ഫുട്ബോൾ പ്രേക്ഷകരുടെ എണ്ണം തുടര്ച്ചയായി വളർന്നുകൊണ്ടിരിക്കുന്ന സാഹചര്യത്തിൽ, കായിക വിനോദവും അതിന്റെ ആരാധകരും തമ്മിലുള്ള ബന്ധം കൂടുതൽ ആഴത്തിലാക്കാനുള്ള അത്ഭുതകരമായ അവസരമാണിത്”.