സീനിയർ നൽകിയ മിഠായി വാങ്ങിയില്ല; കൊയിലാണ്ടിയില്‍ വിദ്യാർത്ഥിക്ക് നേരെ മർദനം

കോഴിക്കോട്: കൊയിലാണ്ടിയില്‍ പ്ലസ് വണ്‍ വിദ്യാര്‍ത്ഥിക്ക് നേരെ റാഗിങ്ങ്. കെപിഎംഎസ്എസിലെ പ്ലസ് വണ്‍ വിദ്യാര്‍ത്ഥിയാണ് റാഗിങ്ങിന് ഇരയായതായി പരാതി നല്‍കിയത്. മിഠായി നല്‍കിയിട്ട് വാങ്ങിയില്ലായെന്ന് പറഞ്ഞ് സീനിയര്‍ വിദ്യാര്‍ത്ഥികള്‍ മര്‍ദിച്ചുവെന്നാണ് പരാതി. വിദ്യാര്‍ത്ഥി സ്‌കൂള്‍ വിട്ട് വീട്ടിലേക്ക് മടങ്ങുന്നതിനിടയിലായിരുന്നു ആക്രമണം. പരിക്കേറ്റ വിദ്യാര്‍ത്ഥിയെ ആശുപത്രിയില്‍ പ്രവേശിപ്പിച്ചു. പിന്നാലെ വിദ്യാര്‍ത്ഥിയുടെ രക്ഷിതാക്കള്‍ പൊലീസില്‍ പരാതി നല്‍കുകയായിരുന്നു.