അനധികൃത സ്വത്ത് സമ്പാദനം; സർക്കാർ ഉദ്യോഗസ്ഥരുടെ വീടുകളിൽ ലോകായുക്ത റെയ്ഡ്

അനധികൃതസ്വത്ത് സമ്പാദിച്ചെന്ന ആരോപണത്തെത്തുടർന്ന് ബെംഗളൂരു ഇലക്ട്രിസിറ്റി സപ്ലൈ കമ്പനി ലിമിറ്റഡ് (ബെസ്‌കോം) ചീഫ് ജനറൽ മാനേജർ എം.എൽ. നാഗരാജ് ഉൾപ്പെടെ ആറുപേരുടെ വസതികളും ഇവരുമായി ബന്ധപ്പെട്ട കേന്ദ്രങ്ങളിലും ലോകായുക്തയുടെ റെയ്ഡ്. ചൊവ്വാഴ്ച രാവിലെ മുതലാണ് ബെംഗളൂരു, രാമനഗര, വിജയനഗർ, ബെല്ലാരി, മാണ്ഡ്യ എന്നിവിടങ്ങളിലെ 30 ഇടങ്ങളിൽ ലോകായുക്ത സംഘം റെയ്ഡ് നടത്തിയത്. പണവും രേഖകളും സ്വർണാഭരണങ്ങളും വെള്ളികൊണ്ടുള്ള പാത്രങ്ങളുമുൾപ്പെടെ ഇവരിൽനിന്ന് പിടിച്ചെടുത്തു. ഇവയുടെമൂല്യം ലോകായുക്തസംഘം പരിശോധിച്ചുവരുകയാണ്.