തൈര് ഉണ്ടോ ; എങ്കിൽ മുടി സൂപ്പർ ആക്കിയാലോ

തൈര് മുടിയിൽ പുരട്ടുന്നത് മുടിയുടെ അരോ​ഗ്യത്തിന് നല്ലതാണ്. തൈര് കൊണ്ട് കുറച്ച് ഹെയർ മാസ്ക്കുകൾ പരിചയപ്പെട്ടാലോ?

തൈര്, മുട്ട

ഒരു മുട്ട നന്നായി അടിച്ച ശേഷം അതിലേക്ക് രണ്ടോ മൂന്നോ സ്പൂൺ തൈര് ചേർത്തിളക്കി അര മണിക്കൂർ കഴിഞ്ഞ് ഇത് തലയോട്ടിയിൽ പുരട്ടാം. അര മണിക്കൂറിന് ശേഷം കഴുകി കളയാം.

തൈര്, കറ്റാർവാഴ

ഒരു ടീസ്പൂൺ തൈരിൽ ഒരു ടീസ്പൂൺ കറ്റാർവാഴ ജെൽ മിക്സ് ചെയ്ത ശേഷം ഈ പാക്ക് മുടിയിൽ പുരട്ടാം. 10 മിനുട്ട് മസാജ് ചെയ്ത ശേഷം കഴുകി കളയാം. ആഴ്ചയിൽ രണ്ടോ മൂന്നോ തവണ ഈ പാക്ക് ഇടാം.

തൈര്, ഒലിവ് ഓയിൽ

തൈരിൽ രണ്ട് സ്പൂൺ ഒലിവ് ഓയിൽ ചേർക്കാം. മുടി ഷാംപൂ ഉപയോഗിച്ച് കഴുകി ഉണക്കിയ ശേഷം ഈ മിശ്രിതം നന്നായി പുരട്ടാം. ചെറുതായി മസ്സാജ് ചെയ്തു കൊടുക്കാം. 15 മിനിറ്റിന് ശേഷം ചെറു ചൂടുവെള്ളത്തിൽ മുടി കഴുകി വൃത്തിയാക്കാം.

തൈര്, പഴം
പഴുത്ത പഴം നന്നായി ഉടച്ചെടുത്ത് അതിലേയ്ക്ക് രണ്ട് സ്പൂൺ വീതം തൈരും തേനും ചേർക്കാം. അര മണിക്കൂർ നേരം ഈ മിശ്രിതം തലയോട്ടിയിൽ തേച്ചുപിടിപ്പിക്കുക. ശേഷം തണുത്ത വെള്ളത്തിൽ കഴുകി വൃത്തിയാക്കാം. ആഴ്ചയിൽ ഒരിക്കൽ ഈ പാക്ക് ഉപയോഗിക്കാം.

തൈര്
തൈര് മാത്രമായി തലമുടിയിലും ശിരോചർമ്മത്തിലും പുരട്ടാം. 10 മിനിറ്റിന് ശേഷം കഴുകി കളയാം.