കണ്ണൂര്‍ സെന്‍ട്രല്‍ ജയിലില്‍ തടവുകാര്‍ തമ്മില്‍ സംഘർഷം; ഒരാള്‍ക്ക് പരിക്ക്

കണ്ണൂര്‍: കണ്ണൂർ സെൻട്രൽ ജയിലിൽ തടവുകാർ തമ്മിൽ വീണ്ടും സംഘർഷം. സംഭവത്തിൽ ഒരു തടവ് പ്രതിക്ക് പരിക്കേറ്റു. മോഷണക്കേസിൽ റിമാൻഡിൽ കഴിയുന്ന നൗഫലിനാണ് തലക്ക് പരിക്കേറ്റത്. അതേസമയം, പരിക്ക് ഗുരുതരമല്ലെന്ന് ഡോക്ടർമാർ അറിയിച്ചു. കാപ്പ തടവുകാരനായ അശ്വിനാണ് നൗഫലിനെ അക്രമിച്ചതെന്നാണ് പരാതി. പതിനൊന്നാം ബ്ലോക്കിന് സമീപമാണ് തടവുകാർ ഏറ്റുമുട്ടിയത്.

സംഭവത്തിൽ ജയിൽ സൂപ്രണ്ടിന്റെ പരാതിയിൽ കണ്ണൂർ ടൗൺ പൊലീസ് കേസെടുത്തു.