കൊച്ചി: സ്മാര്ട്ട് ക്രിയേഷന്സിന്റെ വക്കീലിനെ ദേവസ്വം വകുപ്പിന്റെ പ്രത്യേക അഭിഭാഷകനായി നിയമിച്ച് സര്ക്കാര്. ശബരിമല സ്വര്ണക്കൊള്ള കേസില് പ്രതിസ്ഥാനത്തുള്ള സ്ഥാപനമാണ് സ്മാര്ട്ട് ക്രിയേഷന്സ്. അഡ്വ. കെ ബി പ്രദീപിനെയാണ് ഹൈക്കോടതിയിലെ സ്പെഷല് ഗവണ്മെന്റ് പ്ലീഡര് ആയി നിയമിച്ചത്.
ഇതുവരെ സീനിയര് ഗവണ്മെന്റ് പ്ലീഡര് മാത്രമേ ദേവസ്വം വകുപ്പിനുണ്ടായിരുന്നുള്ളു. എന്നാല് സ്പെഷ്യല് ഗവണ്മെന്റ് പ്ലീഡറായാണ് കെ ബി പ്രദീപിനെ നിയമിച്ചിരിക്കുന്നത്. സ്പെഷല് ഗവണ്മെന്റ് പ്ലീഡര് എന്ന പദവി പ്രത്യേകമായി നല്കിയാണ് നിയമനം.