ചെന്നൈ : തമിഴ്നാട് സര്ക്കാരിന്റെ ‘തായ് മാമന് തങ്ക മോതിരം തിട്ടം’ പദ്ധതിയുടെ ഭാഗമായി 4,41,667 നവജാതശിശുക്കള്ക്ക് 1 ഗ്രാം സ്വര്ണ്ണമോതിരങ്ങള് നല്കുന്നതിനായി, ഇന്ത്യയിലെ ഏറ്റവും വിശ്വസ്തരായ ആഭരണ റീട്ടെയില് ബ്രാന്ഡുകളിലൊന്നായ ജോയ്ആലുക്കാസിനെ എല്1 ബിഡറായി തിരഞ്ഞെടുത്തു.
തമിഴ്നാട്ടിലെ സര്ക്കാര് ആശുപത്രികളില് ജനിക്കുന്ന നവജാതശിശുക്കള്ക്കാണ് ഈ പദ്ധതിയുടെ ആനുകൂല്യം ലഭിക്കുക. 2026 ജൂണ് 22 മുതല് നടപ്പ് സാമ്പത്തിക വര്ഷത്തിന്റെ അവസാനം വരെ ജനിക്കുന്ന അര്ഹരായ കുട്ടികളെ ഈ പദ്ധതിയില് ഉള്പ്പെടുത്തുക.
ടെന്ഡര് വ്യവസ്ഥകള് പ്രകാരം, നിലവിലുള്ള സ്വര്ണ്ണവിലയ്ക്ക് മുകളില് വെറും 1 പൈസ മാത്രം പ്രതീകാത്മക സര്വീസ് ചാര്ജ് ഈടാക്കിക്കൊണ്ടാണ് ജോയ്ആലുക്കാസ് കോട്ട് ചെയ്തിരിക്കുന്നത്. സ്വര്ണ്ണമോതിരങ്ങളുടെ വിതരണം, മേക്കിംഗ് ചാര്ജുകള്, അനുബന്ധ ചെലവുകള് എന്നിവ ഇതില് ഉള്പ്പെടുന്നു. ലാഭമൊന്നും പ്രതീക്ഷിക്കാതെയാണ് ജോയ്ആലുക്കാസ് ഈ സേവനം നല്കുന്നത്. സ്വര്ണ്ണത്തിന്റെ തുക അന്നത്തെ വിപണി നിരക്കനുസരിച്ച് തമിഴ്നാട് സര്ക്കാര് വഹിക്കും.
ഏതാണ്ട് 755 കോടി രൂപയാണ് ചെലവ് പ്രതീക്ഷിക്കുന്നത്. തമിഴ്നാട് സര്ക്കാരിന്റെ ഈ ക്ഷേമപദ്ധതിയെ വാണിജ്യ ലാഭമില്ലാതെ പിന്തുണയ്ക്കാനുള്ള കമ്പനിയുടെ പ്രതിബദ്ധതയാണ് 1 പൈസ മാത്രം ഈടാക്കാനുള്ള ജോയ്ആലുക്കാസിന്റെ തീരുമാനത്തിന് പിന്നില്. അര്ഹരായ നവജാതശിശുക്കള്ക്ക് സാമൂഹിക പിന്തുണയുടെയും പ്രതീകമായി 1 ഗ്രാം സ്വര്ണ്ണമോതിരം സമ്മാനിക്കുന്ന ക്ഷേമപദ്ധതിയാണ് ‘തായ് മാമന് തങ്ക മോതിരം തിട്ടം’. സര്ക്കാര് ആശുപത്രികളെ ആശ്രയിക്കുന്ന സംസ്ഥാനത്തെ സാധാരണക്കാരായ കുടുംബങ്ങള്ക്ക് പിന്തുണ നല്കുകയാണ് ഈ പദ്ധതിയിലൂടെ ലക്ഷ്യമിടുന്നത്.
‘തമിഴ്നാട് സര്ക്കാരിന്റെ ‘തായ് മാമന് തങ്ക മോതിരം തിട്ടം’ പദ്ധതിയുമായി സഹകരിക്കാന് സാധിച്ചതില് ഞങ്ങള്ക്ക് വലിയ സന്തോഷമുണ്ട്. സംസ്ഥാനത്തുടനീളമുള്ള ആയിരക്കണക്കിന് കുടുംബങ്ങളുടെ ജീവിതത്തെ സ്പര്ശിക്കുന്ന ഒരു പദ്ധതിയാണിത്. അധിക വാണിജ്യ ലാഭം പ്രതീക്ഷിക്കാതെ, നിലവിലുള്ള സ്വര്ണ്ണവിലയ്ക്ക് മുകളില് വെറും 1 പൈസ മാത്രം ഈടാക്കാന് ഞങ്ങള് തീരുമാനിച്ചത് ഈ മഹത്തായ പദ്ധതിയെ പിന്തുണയ്ക്കാനാണ്. വിതരണം ചെയ്യുന്ന ഓരോ മോതിരവും ഉയര്ന്ന പരിശുദ്ധിയും ഗുണനിലവാരവും ഹാള്മാര്ക്കിംഗും ഉറപ്പു നല്കുന്നതായിരിക്കുമെന്
തമിഴ്നാട്ടിലുടനീളമുള്ള ശക്തമായ സാന്നിധ്യവും ആഭരണ നിര്മ്മാണത്തിലെയും റീട്ടെയില് രംഗത്തെയും പതിറ്റാണ്ടുകളുടെ പരിചയസമ്പത്തും ഉപയോഗിച്ച്, ഈ വന്കിട വിതരണം ഏറ്റവും ഉയര്ന്ന ഗുണനിലവാരത്തോടും സുതാര്യതയോടും കൂടി വേഗത്തില് പൂര്ത്തിയാക്കാന് ജോയ്ആലുക്കാസിന് സാധിക്കും. ഔദ്യോഗിക വര്ക്ക് ഓര്ഡര് ഉടന് പുറപ്പെടുവിക്കുമെന്നാണ് പ്രതീക്ഷിക്കുന്നത്. ഇതിന് ശേഷം ബന്ധപ്പെട്ട സര്ക്കാര് വകുപ്പുകളുമായി സഹകരിച്ച് മോതിരങ്ങളുടെ വിതരണം ആരംഭിക്കും