എറണാകുളം ജില്ലാ ജയിലിലെ യുവ തടവുകാർക്ക് കലാപരിശീലനത്തിന് അവസരമൊരുക്കി അധികൃതർ

കൊച്ചി: എറണാകുളം ജില്ലാ ജയിലിലെ യുവ തടവുകാർക്ക് ഇനി കലാപരിശീലനത്തിന് അവസരം. 18-നും 21-നും ഇടയിൽ പ്രായമുള്ള യുവ തടവുകാർക്ക് ഇനി മുതൽ ആട്ടവും പാട്ടുമൊക്കെ ഇവിടെ നിന്നും പഠിക്കാം. ആഴ്ചയിൽ മൂന്ന് ദിവസമാണ് പരിശീലനം. ആദ്യ ആഴ്ചയിൽ മൂന്ന് ദിവസമാണ് പരിശീലനം. നൂറോളം തടവുകാരാണ് പദ്ധതിയുടെ ഭാഗമാകുന്നത്. ഇവരുടെ മനസ് ക്രിമിനൽ ചിന്തകളിലേക്ക് വീണ്ടും വഴിമാറാതിരിക്കാനാണ് ഇത്തരത്തിലൊരു കലാ പരിശീലനത്തിന് അവസരം നൽകുന്നതെന്ന് അധികൃതർ പറഞ്ഞു. എറണാകുളം ജില്ലാ ജയിലിനോട് ചേർന്ന് യുവ തടവുകാരെ പാർപ്പിച്ചിട്ടുള്ള ബോസ്റ്റൽ സ്കൂളിലാണ് സംസ്ഥാനത്ത് ആദ്യമായി കലാപരിശീലനത്തിന് തുടക്കം കുറിച്ചിരിക്കുന്നത്.

നൃത്തം, നാടകം, ശിൽപകല, നാടൻപാട്ട് എന്നീ ഇനങ്ങളിലാണ് പരിശീലനം. തൃക്കാക്കര നഗരസഭയും ജയിൽ സാംസ്കാരിക വകുപ്പുകളും ചേർന്ന് നടത്തുന്ന പരിശീലനത്തിന് നേതൃത്വം നൽകുന്നത് നഗരസഭയുടെ വജ്ര ജൂബിലി ഫെലോഷിപ്പ് കലാകാരൻമാരാണ്. താത്പര്യമുള്ള എല്ലാ തടവുകാർക്കും പരിശീലനം നൽകും. ആദ്യ ആഴ്ചയിൽ മൂന്ന് ദിവസമാണ് പരിശീലനം. പരിപാടിയുടെ ഉദ്ഘാടനം ഹൈബി ഈഡൻ എംപിയാണ് നിർവഹിച്ചത്. നഗരസഭ അധ്യക്ഷ രാധാമണി പിള്ള അധ്യക്ഷത വഹിച്ചു.