ആലപ്പുഴ: മെഡിക്കല് കോളേജില് കമ്മ്യൂണിറ്റി കിച്ചണ് തുടങ്ങുമെന്ന് ആരോഗ്യ മന്ത്രി കെ മുരളീധരന്. കിച്ചൻ ഒരു വര്ഷമെങ്കിലും പരീക്ഷണാടിസ്ഥാനത്തില് നടത്തി നോക്കും. ഇതിനര്ത്ഥം ആരും പൊതിച്ചോറ് നല്കേണ്ട എന്നല്ലെന്നും കെ മുരളീധരന് വ്യക്തമാക്കി. രണ്ടു മാസത്തിനകം തുടങ്ങുമെന്നും പരീക്ഷണാടിസ്ഥാനത്തിലാവും പ്രവര്ത്തനമെന്നും അദ്ദേഹം പറഞ്ഞു.
ബാനറും കൊടിയും കെട്ടി ആശുപത്രി പരിസരത്ത് ഭക്ഷണം കൊടുക്കാന് പാടില്ലെന്ന കെ മുരളീധരന്റെ പ്രസ്താവന വിവാദമായിരുന്നു. ഡിവൈഎഫ്ഐക്കെതിരെ തുറന്നടിച്ചായിരുന്നു ആരോഗ്യമന്ത്രിയുടെ പ്രതികരണം. ആശുപത്രിയുടെ അകത്ത് ഉത്തരവാദിത്തം മന്ത്രിക്കാണെന്നും ഡിവൈഎഫ്ഐക്ക് അല്ലെന്നും മുരളീധരന് ആറന്മുളയില് മാധ്യമങ്ങളോട് സംസാരിക്കവെ പ്രതികരിച്ചിരുന്നു.