അശ്ലീലവും സഭ്യമല്ലാത്തതുമായ ദൃശ്യങ്ങൾ പ്രചരിപ്പിച്ചു: അഞ്ച് ഒടിടി ആപ്പുകൾക്ക് കേന്ദ്രം പൂട്ടിട്ടു

അശ്ലീലവും സഭ്യമല്ലാത്തതുമായ ദൃശ്യങ്ങൾ പ്രചരിപ്പിച്ചു എന്നാരോപിച്ച് അഞ്ച് പ്രമുഖ ഒടിടി പ്ലാറ്റ്‌ഫോമുകൾ കേന്ദ്ര വാർത്താ വിതരണ പ്രക്ഷേപണ മന്ത്രാലയം നിരോധിച്ചു. MoodXVIP, Koyal Playpro, Digi Movieplex, Feel, Jugnu എന്നിവയാണ് കേന്ദ്ര നടപടി നേരിട്ട പ്ലാറ്റ്‌ഫോമുകൾ. ഐടി ആക്ട് 2000-ലെ സെക്ഷൻ 69A പ്രകാരമാണ് ഈ പ്ലാറ്റ്‌ഫോമുകൾക്ക് നിരോധനം ഏർപ്പെടുത്തിയത്. ഈ ആപ്പുകളിലേക്കും വെബ്‌സൈറ്റുകളിലേക്കുമുള്ള പ്രവേശനം ഉടനടി തടയാൻ ഇന്റർനെറ്റ് സേവന ദാതാക്കൾക്ക് മന്ത്രാലയം നിർദ്ദേശം നൽകി.