സംസ്ഥാനത്ത് വീണ്ടും ഷിഗെല്ല സ്ഥിരീകരിച്ചു. ഇന്ന് ആറ് പേര്ക്കാണ് രോഗം സ്ഥിരീകരിച്ചത്. ആലപ്പുഴ, കൊല്ലം ജില്ലകളില് രണ്ട് വീതവും, തിരുവനന്തപുരം, വയനാട് ഒന്ന് വീതവും കേസുകള് റിപ്പോര്ട്ട് ചെയ്തിട്ടുണ്ട്. സംസ്ഥാനത്ത് ജൂണ് മാസം മാത്രം 172 പേര്ക്കാണ് രോഗം സ്ഥിരീകരിച്ചത്. ഈ മാസം ആറ് മരണവും റിപ്പോര്ട്ട് ചെയ്തിരുന്നു. ഈ വര്ഷം ഇതുവരെ 248 പേര്ക്ക് ഷിഗെല്ല രോഗബാധ സ്ഥിരീകരിച്ചിരുന്നു. കോഴിക്കോട് , മലപ്പുറം ജില്ലകളിലാണ് ജൂണ് മാസം ഏറ്റവും കൂടുതല് രോഗം സ്ഥിരീകരിച്ചത്. നിലവില് കോഴിക്കോട്-58, വയനാട്-23, തൃശൂര്-12, ആലപ്പുഴ-5 എന്നിങ്ങനെയാണ് രോഗം സ്ഥിരീകരിച്ചിക്കുന്നത്.
ഷിഗെല്ല ബാക്ടീരിയ മൂലമാണ് ഷിഗല്ലോസിസ് എന്ന അണുബാധ കുടലിനുണ്ടാകുന്നത്. വയറിളക്കമാണ് പ്രധാന രോഗലക്ഷണം. ശരിയായ സമയത്ത് ചികിത്സ ലഭിച്ചില്ലെങ്കില് രോഗം ഗുരുതരമാകും. മലിനജലത്തിലൂടെയും വൃത്തിയില്ലാത്തതും കേടായതുമായ ഭക്ഷണത്തിലൂടെയും രോഗം പകരാം. രോഗപ്രതിരോധശേഷി കുറഞ്ഞവരിലും അഞ്ച് വയസ്സിന് താഴെയുള്ള കുട്ടികളിലും രോഗം ഗുരുതരമാകാം. മലിനജലത്തിലൂടെയും കേടായ ഭക്ഷണത്തിലൂടെയുമാണ് പ്രധാനമായും ഷിഗെല്ല രോഗം പടരുന്നത്. ആഹാരം പാകം ചെയ്യുന്നവരില് നിന്നും രോഗം പകരാന് സാധ്യതയുണ്ട്.
തട്ടുകടകള് ഉള്പ്പെടെയുള്ള ഭക്ഷ്യ വില്പ്പനശാലകളില് പരിശോധന കര്ശനമാക്കുകയാണ് ആരോഗ്യവകുപ്പ്. സംസ്ഥാന വ്യാപകമായി പരിശോധന നടത്തുമെന്ന് അധികൃതര് അറിയിച്ചിട്ടുണ്ട്. നിര്ദേശങ്ങള് പാലിക്കാത്തവര്ക്കെതിരെ കര്ശന നടപടിയുണ്ടാകും. വൃത്തിഹീനമായി പ്രവര്ത്തിക്കുന്ന തട്ടുകടകള് ഉള്പ്പെടെ പൂട്ടാനാണ് നിര്ദേശം. കടകളില് സാധാരണ വെള്ളം വിതരണം ചെയ്യരുതെന്നും ക്ലോറിനേഷന് ചെയ്ത് പൂര്ണമായും ശുദ്ധീകരിച്ച വെള്ളം മാത്രം നല്കണമെന്നും ആരോഗ്യ വിഭാഗം നിര്ദേശിച്ചു.