തിരുവനന്തപുരം: സിപിഐയുടെ വഴുതക്കാട് ബ്രാഞ്ച് സെക്രട്ടറി രാഹുൽ കുമാർ ബിജെപിയിൽ ചേർന്നു. ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎയിൽ നിന്ന് അംഗത്വം സ്വീകരിച്ചാണ് രാഹുൽ കുമാർ ബിജെപിയിലേക്ക് എത്തിയത്. എഐവൈഎഫ് തിരുവനന്തപുരം ജില്ലാ കമ്മിറ്റി അംഗമായിരുന്നു രാഹുൽ കുമാർ.
രാഹുലിനൊപ്പം സിപിഐയിൽ നിന്നുള്ള അഞ്ച് പേരും ബിജെപിയിൽ അംഗത്വം സ്വീകരിച്ചു. രാഹുലിന്റെ നേതൃത്വത്തിലായിരുന്നു പാർട്ടി പ്രവേശന പരിപാടി. വഴുതക്കാട് വാർഡിലെ നൂറോളം സിപിഐ അനുഭാവികളും പ്രവർത്തകരും ഉടൻ ബിജെപിയിൽ ചേരുമെന്നാണ് ബിജെപി സംസ്ഥാന നേതൃത്വത്തിന്റെ അവകാശവാദം.