കോഴിക്കോട്: വടകര എംഡിഎംഎ കേസിലെ മൂന്നാംപ്രതി കാവ്യയ്ക്ക് ഉപാധികളോടെ ജാമ്യം അനുവദിച്ച് ഹൈക്കോടതി. സമാന സ്വഭാവമുള്ള കേസുകളില് മുന്പ് പ്രതിയല്ല എന്ന് നിരീക്ഷിച്ചാണ് ഹൈക്കോടതി ജാമ്യം അനുവദിച്ചത്. കേസിലെ രണ്ടാംപ്രതിയും അധ്യാപികയുമായ കീര്ത്തനയ്ക്കും നേരത്തെ ഹൈക്കോടതി ജാമ്യം നല്കിയിരുന്നു.
കേസില് പേരാമ്പ്ര ബിആര്സിയിലെ സ്പെഷല് എജ്യുക്കേറ്റര് മരുതോങ്കര സ്വദേശി കീര്ത്തന (31), ചെരുവാളൂര് സര്ക്കാര് എല്പി സ്കൂളില് പ്രവര്ത്തിക്കുന്ന ഓട്ടിസം സെന്ററിലെ അധ്യാപിക കൂരാച്ചുണ്ട് ചെറുക്കാട്ട് സ്വദേശി കെ കാവ്യ (29), പേരാമ്പ്ര ബിആര്സിയിലെ (ബ്ലോക്ക് റിസോഴ്സ് സെന്റര്) സ്പെഷല് എജ്യുക്കേറ്റര് ആവള കുട്ടോത്ത് വലിയപറമ്പില് വി പി നീഷ്മ (30), ഇരിട്ടി സ്വദേശിയും ഓണ്ലൈന് ഡെലിവറി എജന്റുമായ ജിജില് കുര്യാക്കോസ്, സഫ്വാന് എന്നിവരാണ് അറസ്റ്റിലായത്. കേസില് അറസ്റ്റിലായതിന് പിന്നാലെ കാവ്യ, കീര്ത്തന, നീഷ്മ എന്നിവരെ ജോലിയില് നിന്ന് പിരിച്ചുവിട്ടിരുന്നു.