തിരുവനന്തപുരം: സ്കോഡ ഓട്ടോ ഇന്ത്യ സ്ലാവിയ മോണ്ടെ കാര്ലോയ്ക്ക് രണ്ട് പുതിയ എക്സ്ക്ലൂസീവ് കളറുകളായ ഷിംല ഗ്രീന്, സ്റ്റീല് ഗ്രേ എന്നിവ നല്കി സ്ലാവിയ ശ്രേണി വിപുലീകരിച്ചു. ഇവ രണ്ടും വേറിട്ട ഡ്യുവല്-ടോണ് ഫിനിഷില് ലഭിക്കും. സ്ലാവിയ മോണ്ടെ കാര്ലോയുടെ ഈ ലിമിറ്റഡ് കളര് എഡിഷനുകള്, സെഡാന്റെ ഡൈനാമിക് ഡിസൈനും മികച്ച ഡ്രൈവിംഗ് അനുഭവവും ബ്രാന്ഡിന്റെ റാലി മോണ്ടെ കാര്ലോ പൈതൃകവുമായി സംയോജിപ്പിക്കുന്നു. ഈ പുതിയ കൂട്ടിച്ചേര്ക്കല് വാഹനത്തിന് കൂടുതല് കരുത്തുറ്റ ദൃശ്യഭംഗി നല്കും. കൂടാതെ കൂടുതല് വേറിട്ടതും എക്സ്ക്ലൂസീവുമായ ഉടമസ്ഥാനുഭവം ആഗ്രഹിക്കുന്ന ഉപഭോക്താക്കളെ ലക്ഷ്യം വച്ചുള്ളതുമാണിത്. ആകെ 200 യൂണിറ്റുകളാണ് വിപണിയിലെത്തിക്കുന്നത്. 1.0 എടി, 1.5 ഡിഎസ്ജി വേരിയന്റുകളില് ലഭിക്കും.
‘സ്ലാവിയ മോണ്ടെ കാര്ലോയുടെ വേറിട്ട ഡിസൈന്, പ്രീമിയം ആകര്ഷണം, മികച്ച ഡ്രൈവിംഗ് ഡൈനാമിക്സ്, ഞങ്ങളുടെ മോട്ടോര്സ്പോര്ട്ട് പൈതൃകവുമായുള്ള ശക്തമായ ബന്ധം എന്നിവ കാരണം ഉപഭോക്താക്കള്ക്കിടയില് മികച്ച സ്വീകാര്യതയാണ് ലഭിച്ചത്. മോണ്ടെ കാര്ലോ ശ്രേണിയുടെ തനിമയും ആകര്ഷണീയതയും കൂടുതല് മെച്ചപ്പെടുത്തി, ഉപഭോക്താക്കള്ക്ക് കൂടുതല് ചോയ്സുകളും എക്സ്ക്ലൂസിവിറ്റിയും ഞങ്ങള് നല്കുന്നു. ശൈലി, പ്രകടനം, ആധുനികത എന്നിവയുടെ മികച്ച സമന്വയമായി സ്ലാവിയ മോണ്ടെ കാര്ലോ തുടരുന്നു. ഞങ്ങളുടെ ഉപഭോക്താക്കളുടെ മാറിക്കൊണ്ടിരിക്കുന്ന ആഗ്രഹങ്ങള്ക്ക് അനുസൃതമായി, സെഡാന് പോര്ട്ട്ഫോളിയോ കൂടുതല് ശക്തമാക്കുന്നത് ഞങ്ങള് തുടരും,’ സ്കോഡ ഓട്ടോ ഇന്ത്യയുടെ ബ്രാന്ഡ് ഡയറക്ടര് ആശിഷ് ഗുപ്ത പറഞ്ഞു.
ലിമിറ്റഡ് മോണ്ടെ കാര്ലോ
പുതിയ എക്സ്ക്ലൂസീവ് കളര് ഓപ്ഷനുകള്ക്ക് പുറമെ, ബ്ലാക്ക്-ഔട്ട് എക്സ്റ്റീരിയര് ഡിസൈന് സവിശേഷതകള്, സിഗ്നേച്ചര് മോണ്ടെ കാര്ലോ സ്റ്റൈലിംഗ് ഘടകങ്ങള്, പ്രീമിയം ബ്ലാക്ക് ആന്ഡ് റെഡ് ഇന്റീരിയര് തീം, ഫീച്ചറുകളാല് സമ്പന്നമായ ക്യാബിന് എന്നിവയിലൂടെ സ്ലാവിയ മോണ്ടെ കാര്ലോ വേറിട്ടുനില്ക്കുന്നത് തുടരുന്നു. സ്ലാവിയ ശ്രേണിയിലെ ഏറ്റവും ആകര്ഷകമായ വേരിയന്റുകളിലൊന്ന് സ്വന്തമാക്കാന് ആഗ്രഹിക്കുന്ന ഉപഭോക്താക്കള്ക്കുള്ള ചോയ്സുകള് പുതിയ ഷിംല ഗ്രീന്, സ്റ്റീല് ഗ്രേ ഡ്യുവല്-ടോണ് ഫിനിഷുകള് കൂടുതല് വിപുലീകരിക്കുന്നു. മികച്ച പ്രകടനം, കാര്യക്ഷമത, ഡ്രൈവിംഗ് ആനന്ദം എന്നിവയുടെ മികച്ച സമന്വയം നല്കുന്നതിനായി, ബ്രാന്ഡിന്റെ റിയല് ഓട്ടോമാറ്റിക് ട്രാന്സ്മിഷനുകളുമായി സംയോജിപ്പിച്ചിട്ടുള്ള സ്കോഡ ഓട്ടോ ഇന്ത്യയുടെ തെളിയിക്കപ്പെട്ട ടിഎസ്ഐ എഞ്ചിനുകളില് സ്ലാവിയ മോണ്ടെ കാര്ലോ തുടര്ന്നും വാഗ്ദാനം ചെയ്യുന്നു.
ഉപഭോക്താക്കള്ക്ക് 6-സ്പീഡ് ടോര്ക്ക് കണ്വെര്ട്ടര് ഓട്ടോമാറ്റിക് ട്രാന്സ്മിഷനുമായി സംയോജിപ്പിച്ചിട്ടുള്ള 1.0 ലിറ്റര് ടിഎസ്ഐ എഞ്ചിന് അല്ലെങ്കില് 7-സ്പീഡ് ഡിഎസ്ജിയുമായി സംയോജിപ്പിച്ചിട്ടുള്ള 1.5 ലിറ്റര് ടിഎസ്ഐ എഞ്ചിന് എന്നിവയില് ഒന്ന് തിരഞ്ഞെടുക്കാം. 1.0 ടിഎസ്ഐ ഒരു ത്രീ-സിലിണ്ടര് ടര്ബോചാര്ജ്ഡ് പെട്രോള് എഞ്ചിനാണ്, ഇത് 85 kW (115 PS) പവറും 178 Nm ടോര്ക്കും ഉത്പാദിപ്പിക്കുന്നു. അതേസമയം, കൂടുതല് ശേഷിയുള്ള 1.5 ടിഎസ്ഐ ഫോര്-സിലിണ്ടര് ടര്ബോചാര്ജ്ഡ് പെട്രോള് എഞ്ചിന് 110 kW (150 PS) പവറും 250 Nm ടോര്ക്കും നല്കുന്നു. കൂടാതെ, മികച്ച ഹീറ്റ് മാനേജ്മെന്റിനും തെര്മല് എഫിഷ്യന്സിക്കുമായി നല്കിയിട്ടുള്ള പ്ലാസ്മ-കോട്ടഡ് സിലിണ്ടര് ലൈനറുകള്ക്കൊപ്പം, കുറഞ്ഞ ലോഡുകളില് ഇന്ധനം ലാഭിക്കുന്നതിനായി രണ്ട് സിലിണ്ടറുകളുടെ പ്രവര്ത്തനം നിര്ത്തുന്ന ആക്റ്റീവ് സിലിണ്ടര് ടെക്നോളജി വാഗ്ദാനം ചെയ്യുന്ന സ്വന്തം സെഗ്മെന്റിലെ ഒരേയൊരു എഞ്ചിനായി 1.5 ടിഎസ്ഐ തുടരുന്നു.
സ്കോഡ ഓട്ടോയുടെ റേസിംഗ് ഡിഎന്എ
ഒരു നൂറ്റാണ്ടിലേറെയായി സ്കോഡ ഓട്ടോയുടെ ഒരു അവിഭാജ്യ ഘടകമാണ് മോട്ടോര്സ്പോര്ട്ട്. 1912 മുതല് റാലി മോണ്ടെ കാര്ലോയുമായുള്ള കമ്പനിയുടെ ബന്ധത്തിനും അതിനുശേഷമുള്ള വിവിധ വിജയങ്ങള്ക്കും പോഡിയം ഫിനിഷുകള്ക്കുമാണ് മോണ്ടെ കാര്ലോ ട്രിം പ്രത്യേകിച്ചും ആദരവ് അര്പ്പിക്കുന്നത്. സ്ലാവിയ മോണ്ടെ കാര്ലോ, കുഷാക്ക് മോണ്ടെ കാര്ലോ മുതല് കൈലാക്ക്, കോഡിയാക്ക്, ലിമിറ്റഡ്-വോളിയം ഒക്ടാവിയ ആര്എസ് എന്നിവയുള്പ്പെടുന്ന ബ്രാന്ഡിന്റെ മുഴുവന് കാര് നിരയും, ‘ദി ഫാസ്റ്റസ്റ്റ് മള്ട്ടി-കാര് റിലേ ഓഫ് എ സിംഗിള് മാനുഫാക്ചറര് ഓണ് എ സര്ക്യൂട്ട്’ എന്നതിനുള്ള ഇന്ത്യ, ഏഷ്യ ബുക്ക് ഓഫ് റെക്കോര്ഡ്സ് സ്വന്തമാക്കി. കോയമ്പത്തൂരിലെ കോസ്റ്റ് ട്രാക്കില്, ഡ്രൈവര്മാരെ മാറ്റുന്ന സമയമുള്പ്പെടെ ഈ അഞ്ച് കാറുകളും കൂടി ആകെ 12:30.97 എന്ന ലാപ്പ് ടൈം കുറിച്ചു. ഇതോടൊപ്പം, തങ്ങളുടെ ഉല്പ്പന്ന പോര്ട്ട്ഫോളിയോയിലുടനീളം സ്ഥിരത പുലര്ത്തുന്ന എഞ്ചിനീയറിംഗ്, ഡൈനാമിക് മികവ് പ്രദര്ശിപ്പിച്ചുകൊണ്ട്, ബ്രാന്ഡ് തങ്ങളുടെ ‘ഗ്രേറ്റസ്റ്റ് ഓണ് എ ട്രാക്ക് ഈസ് എ സ്കോഡ ഓണ് എ ട്രാക്ക്’ എന്ന ക്യാമ്പെയ്നിനും തുടക്കം കുറിച്ചു.