തിരുവനന്തപുരം: ശബരിമലയിലെ യുവതീപ്രവേശനത്തെ അനുകൂലിക്കുന്ന മുന്നിലപാട് മാറ്റി സംസ്ഥാന സര്ക്കാര്. ശബരിമലയിലെ ആചാരം സംരക്ഷിക്കണമെന്നാണ് പുതിയ നിലപാട്. ഇത് സുപ്രിം കോടതിയെ അറിയിക്കും. ശബരിമലയില് യുവതികള് കയറേണ്ടെന്ന് നേരത്തെ തിരുവിതാംകൂര് ദേവസ്വം ബോര്ഡും നിലപാടെടുത്തിരുന്നു. ആചാരം സംരക്ഷിക്കണമെന്ന തങ്ങളുടെ നിലപാട് സുപ്രിം കോടതിയെ അറിയിക്കാന് ബോര്ഡ് തീരുമാനിച്ചിരുന്നു. ഇതിന് പിന്നാലെയാണ് സര്ക്കാറും ആചാര സംരക്ഷണ നിലപാട് കൈക്കൊണ്ടിരിക്കുന്നത്.
എല്ലാ പ്രായത്തിലുമുള്ള സ്ത്രീകളെ ശബരിമലയില് പ്രവേശിപ്പിക്കുന്നതിന് അനുകൂല നിലപാടായിരുന്നു നേരത്തെ സര്ക്കാര് സ്വീകരിച്ചിരുന്നത്. നേരത്തെ, യുവതീപ്രവേശനത്തിന് അനുകൂലമായി ഭരണഘടനാ ബെഞ്ച് വിധി പറഞ്ഞപ്പോള് ഇത് നടപ്പാക്കുമെന്നും സര്ക്കാര് നിലപാടെടുത്തിരുന്നു.