സംസ്ഥാനത്ത് സ്വർണവില ഇന്ന് കുത്തനെ വർധിച്ചു. പവന് 880 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന് 89,960 രൂപയായി. ഒരു ഗ്രാം സ്വർണത്തിന് 11,245 രൂപ നൽകണം.
90,000 രൂപ എന്ന നാഴികക്കല്ലിന് തൊട്ടടുത്താണ് ഇപ്പോൾ സ്വർണവില എത്തിയിരിക്കുന്നത്. കഴിഞ്ഞ കുറച്ച് കാലങ്ങളായി അതിവേഗം വർധിച്ചിരുന്ന സ്വർണവില ഒട്ടും വൈകാതെ ഒരു ലക്ഷം കടക്കുമെന്ന സൂചനകളാണ് വിപണിയിൽ നിന്ന് ലഭിച്ചിരുന്നത്. എന്നാൽ കുറച്ച് ദിവസമായി വില കൂടിയും കുറഞ്ഞും നിൽക്കുന്ന അവസ്ഥയിലായിരുന്നു.
ഇന്നലെയും സ്വർണവിലയിൽ രണ്ടു തവണ മാറ്റം രേഖപ്പെടുത്തി. രാവിലെ 88,360 രൂപയായിരുന്ന സ്വർണവില ഉച്ചയ്ക്കുശേഷം വർധിച്ച് 89,080 രൂപയിലെത്തുകയായിരുന്നു. ഈ ദിവസത്തെ വർധനവുകൂടി ആയതോടെ സ്വർണവില വീണ്ടും റെക്കോർഡ് ലക്ഷ്യമിട്ട് മുന്നേറുകയാണ്.