കൊച്ചി : സ്പോട്ടിഫൈ കലാകാരന്മാര്ക്ക് നല്കുന്ന റോയല്റ്റി തുക മലയാളത്തില് വര്ഷം തോറും 30% ത്തിലധികം വര്ധിക്കുന്നതായി റിപ്പോര്ട്ട്. സ്പോട്ടിഫൈയുടെ വാര്ഷിക റിപ്പോര്ട്ടായ ലൗഡ് & ക്ലിയറില് നിന്നുള്ള ഡാറ്റ 2025-ല് സ്പോട്ടിഫൈയുടെ ആഗോള സംഗീത റോയല്റ്റി തുക ഏതൊക്കെ ഭാഷകളിലായി വിതരണം ചെയ്തുവെന്ന് വ്യക്തമാക്കുന്നു. 2025-ല് സ്പോട്ടിഫൈയില് ഇന്ത്യന് കലാകാരന്മാര്ക്ക് ലഭിക്കുന്ന റോയല്റ്റിയില് 29% വളര്ച്ചയുണ്ടായി. ദക്ഷിണേന്ത്യയില് തെലുങ്കിനാണ് വര്ഷം തോറുമുള്ള ഏറ്റവും ഉയര്ന്ന വര്ദ്ധന -120%-ത്തിലധികം തമിഴിലെ വര്ദ്ധന 20%-ത്തിലധികമാണ്.
ഇന്ത്യക്കാര്ക്ക് ലഭിച്ച റോയല്റ്റികളില് 40 ശതമാനത്തിലധികം വിദേശത്ത് നിന്നാണ്. വിദേശത്ത് ഏറ്റവും കൂടുതല് കേട്ട 15 ട്രാക്കുകളില് 11 എണ്ണം സ്വതന്ത്ര കലാകാരന്മാര് ആദ്യം പുറത്തിറക്കിയതായിരുന്നു. പ്രതിവര്ഷം 1 കോടിലേറെ രൂപ വരുമാനം നേടുന്ന കലാകാരന്മാരുടെ എണ്ണത്തില് വര്ഷം തോറും 21% വളര്ച്ചയാണുള്ളത്.
2025-ല്, സ്പോട്ടിഫൈ ഇന്ത്യയുടെ ഡെയ്ലി ടോപ്പ് 50 ട്രാക്കുകളില് 90%-വും ഇന്ത്യന് കലാകാരന്മാരുടേതായിരുന്നു. സിനിമാ സൗണ്ട് ട്രാക്കുകള്ക്ക് പുറത്ത് പുറത്തിറങ്ങിയ ഐ-പോപ്പ് അല്ലെങ്കില് ജനപ്രിയ ഇന്ത്യന് സംഗീതം സ്പോട്ടിഫൈയുടെ 2025-ലെ വര്ഷാവസാന ഇന്ത്യയിലെ മികച്ച പത്തില് പകുതിയും പങ്കിട്ടു. റഡാര് മലയാളത്തിന്റെ ഉദ്ഘാടന പതിപ്പിലൂടെ ശ്രദ്ധേയയായ ഗായികയും ഗാനരചയിതാവുമായ ഹനിയ നഫീസയുടെ സ്വതന്ത്ര സിംഗിള് മുള്ച്ചെടി സ്പോട്ടിഫൈയില് 11 ദശലക്ഷം സ്ട്രീമുകള് കടന്നു. ഇത് മലയാള സംഗീതത്തോടുള്ള വര്ദ്ധിച്ചുവരുന്ന അഭിനിവേശം എടുത്തുകാണിക്കുന്നു.കേരളത്തില്