പക്ഷിപ്പനി റിപ്പോര്ട്ട് ചെയ്ത സാഹചര്യത്തില് കള്ളിംഗ് നടക്കുന്ന തകഴി, കാര്ത്തികപ്പള്ളി, കരുവാറ്റ, പുന്നപ്ര സൗത്ത്, അമ്പലപ്പുഴ സൗത്ത്, ചെറുതന, പുറക്കാട്, നെടുമുടി, കുമാരപുരം എന്നീ പഞ്ചായത്തുകളുടെ പ്രഭവകേന്ദ്രത്തിന് 10 കിലോമീറ്റര് ചുറ്റളവിലുള്ള സര്വൈലന്സ് സോണില് ഉള്പ്പെടുന്ന ആലപ്പുഴ മുനിസിപ്പാലിറ്റി, അമ്പലപ്പുഴ സൗത്ത്, അമ്പലപ്പുഴ നോര്ത്ത്, പുന്നപ്ര സൗത്ത്, പുന്നപ്ര നോര്ത്ത്, പുറക്കാട്, കൈനകരി, ചമ്പക്കുളം, രാമങ്കരി, വെളിയനാട്, പുളിങ്കുന്ന്, നെടുമുടി, തലവടി, മുട്ടാര്, എടത്വ, തകഴി, തൃക്കുന്നപ്പുഴ, ആറാട്ടുപ്പുഴ, കണ്ടല്ലൂര്, പത്തിയൂര്, മുതുകുളം, കരുവാറ്റ, കുമാരപുരം, ഹരിപ്പാട് മുനിസിപ്പാലിറ്റി, കാര്ത്തികപ്പള്ളി, ചിങ്ങോലി, വീയപുരം, പള്ളിപ്പാട്, ചെറുതന, ചേപ്പാട്, ചെട്ടികുളങ്ങര, ചെന്നിത്തല, മാന്നാര്, നിരണം, കടപ്ര പഞ്ചായത്തുകളുടെ പരിധിയില് താറാവ്, കോഴി, കാട, മറ്റു വളര്ത്തുപക്ഷികള് ഇവയുടെ മുട്ട , ഇറച്ചി, കാഷ്ടം (വളം), ഫ്രോസണ് മീറ്റ്, മറ്റ് ഉല്പ്പന്നങ്ങള് എന്നിവയുടെ ഉപയോഗവും വിപണനവും കടത്തലും ഒരാഴ്ചത്തേയ്ക്ക് നിരോധിച്ച് ജില്ലാ കളക്ടർ ഉത്തരവായി.
ഈ തദ്ദേശ സ്വയംഭരണ പ്രദേശങ്ങളില് താറാവ്, കോഴി, കാട, മറ്റു വളര്ത്തുപക്ഷികള് ഇവയുടെ മുട്ട, ഇറച്ചി, കാഷ്ടം (വളം) എന്നിവയുടെ വില്പ്പനയും കടത്തലും നടക്കുന്നില്ലായെന്ന് അത ത് തദ്ദേശ സ്വയംഭരണ സ്ഥാപന സെക്രട്ടറിമാര് ഉറപ്പുവരുത്തേണ്ടതും ആയതിലേയ്ക്ക് സ്ക്വാഡ് രൂപീകരിച്ച്, കര്ശന പരിശോധനകള് നടത്തേണ്ടതുമാണ്.
പ്രഭവ കേന്ദ്രത്തിന് ഒരു കിലോമീറ്റര് ചുറ്റളവിലുള്ള ഇന്ഫെക്ടഡ് സോണില് കള്ളിംഗ് പൂര്ത്തിയായി മൂന്ന് മാസത്തേയ്ക്ക് പക്ഷികളെ വളര്ത്തുന്നത് നിരോധിക്കുന്നു.
അമ്പലപ്പുഴ, കാര്ത്തികപ്പള്ളി, കുട്ടനാട് തഹസില്ദാർമാർ പ്രത്യേക പരിശോധനാ സ്ക്വാഡുകള് രൂപീകരിച്ച് ബന്ധപ്പെട്ട തദ്ദേശ സ്വയംഭരണ പ്രദേശങ്ങളില് കര്ശന പരിശോധനയും മേല്നോട്ടവും നടത്തേണ്ടതാണ്.
നിരോധനം ഏര്പ്പെടുത്തിയിട്ടുള്ള പ്രദേശങ്ങളില് ഈ പക്ഷികളുടെ മാംസം, മുട്ട എന്നിവ കൊണ്ടുള്ള ഭക്ഷ്യ വിഭവങ്ങള് വില്പ്പന നടത്തുന്നില്ലെന്ന് ഫുഡ് സേഫ്റ്റി ഓഫീസര് ഉറപ്പു വരുത്തേണ്ടതാണ്.