തിരുവനന്തപുരം സെൻട്രൽ റെയിൽവേ സ്റ്റേഷനിൽ നവീകരണ പ്രവർത്തനങ്ങൾക്കായി എത്തിച്ച ഭീമൻ പൈലിങ് യന്ത്രം നിയന്ത്രണം വിട്ട് ട്രാക്കിലേക്ക് മറിഞ്ഞു. അപകടത്തെ തുടർന്ന് സ്റ്റേഷനിലെ ഒന്നാം നമ്പർ പ്ലാറ്റ്ഫോം വഴിയുള്ള റെയിൽ ഗതാഗതം പൂർണ്ണമായും തടസ്സപ്പെട്ടിരിക്കുകയാണ്. അപകടം നടക്കുന്ന സമയത്ത് ട്രാക്കിൽ ട്രെയിനുകൾ ഒന്നും തന്നെ ഇല്ലാതിരുന്നതിനാലും പ്ലാറ്റ്ഫോമിൽ ആളുകൾ കുറവായിരുന്നതിനാലും മാത്രമാണ് വലിയൊരു ദുരന്തം തലനാരിഴയ്ക്ക് ഒഴിവായത്. സംഭവത്തിൽ ആർക്കും പരിക്കേറ്റതായി ഇതുവരെ റിപ്പോർട്ടുകളില്ല. റെയിൽവേ അധികൃതരും സുരക്ഷാ ജീവനക്കാരും ഉടൻ തന്നെ സ്ഥലത്തെത്തി ട്രാക്കിൽ വീണ യന്ത്രം അടിയന്തരമായി നീക്കം ചെയ്യാനും ഗതാഗതം പുനഃസ്ഥാപിക്കാനുമുള്ള യുദ്ധകാലാടിസ്ഥാനത്തിലുള്ള നടപടികൾ ആരംഭിച്ചിട്ടുണ്ട്.