കൊച്ചി :ഡോൾബിയും മ്യൂസിക്247-ഉം മഹീന്ദ്രയുമായി സഹകരിച്ചുകൊണ്ട് 2025 നവംബർ 20-ന് കൊച്ചിയിൽ നടന്ന ചടങ്ങിൽ ഡോൾബി അറ്റ്‌മോസ് മ്യൂസിക്കിന്റെ അനന്തസാധ്യതകൾ അവതരിപ്പിച്ചു. സ്റ്റുഡിയോയിൽ നിന്നും സിനിമയിലേക്കും അവിടെനിന്ന് കാറുകളിലേക്കും മികച്ച ശബ്ദാനുഭവം എങ്ങനെ കൈമാറാം എന്ന് തെളിയിക്കുന്ന ഈ വേദിയിൽ, രഞ്ജിൻ രാജ് വർമ്മ സംഗീതം നൽകിയ ‘പൊങ്കാല’ എന്ന ചിത്രത്തിലെ ‘രാവിന്റെ ഏകാന്ത’ എന്ന ഗാനം തീയേറ്ററിലും തുടർന്ന് ഡോൾബി സൗകര്യമുള്ള മഹീന്ദ്ര എക്സ് യുവി 3 എക്സ് ഒയിലും പ്രദർശിപ്പിച്ചു. ഈ സാങ്കേതികവിദ്യ മലയാള സംഗീതത്തിന് നൽകുന്ന മാറ്റത്തെക്കുറിച്ച് സംസാരിക്കവേ, “സംഗീതം കൂടുതൽ വ്യക്തതയോടെയും വൈകാരികതയോടെയും ആസ്വാദകരിലെത്തിക്കാൻ ഡോൾബി അറ്റ്‌മോസ് ഞങ്ങളെ സഹായിക്കുന്നു,” എന്ന് മ്യൂസിക്247 സ്ഥാപകനും മാനേജിംഗ് പാർട്ണറുമായ ശ്രീ നവീൻ ഭണ്ഡാരി പറഞ്ഞു.