കൊച്ചി: 7,000 എംഎഎഎച്ച് ബാറ്ററിയും ദീർഘകാല പ്രകടനവും ആകർഷകമായ രൂപകൽപ്പനയും ഉൾപ്പെടുത്തി വൺപ്ലസ് എൻ6എക്സ് സ്മാർട്ട്ഫോൺ അവതരിപ്പിച്ചു. ഒരു ചാർജിൽ 2.5 ദിവസം വരെ ഉപയോഗിക്കാനാകുന്ന ബാറ്ററിയാണ് പ്രധാന സവിശേഷത. 120 ഹെർട്സ് ഐ-കംഫർട്ട് ഡിസ്പ്ലേ, മീഡിയാടെക് ഡൈമെൻസിറ്റി 6360 ഏപെക്സ് പ്രോസസർ, ഓക്സിജൻ ഒഎസ് 16, 13 മെഗാപിക്സൽ പിൻ ക്യാമറ, 5 മെഗാപിക്സൽ മുൻ ക്യാമറ എന്നിവയും ഫോണിലുണ്ട്. മിലിട്ടറി നിലവാരത്തിലുള്ള കരുത്ത്, പൊടിയിലും വെള്ളത്തിലും നിന്നുള്ള സംരക്ഷണം, കൃത്രിമ ബുദ്ധി അധിഷ്ഠിത ചിത്രസംസ്കരണ സൗകര്യങ്ങൾ എന്നിവയും ഉൾപ്പെടുത്തിയിട്ടുണ്ട്. 4 ജിബി + 64 ജിബി, 4 ജിബി + 128 ജിബി പതിപ്പുകളിൽ ലഭ്യമാകുന്ന ഫോണിന്റെ പ്രാരംഭ വില 17,499 രൂപയാണ്. ഓഗസ്റ്റ് 4 മുതൽ വിൽപ്പന ആരംഭിക്കും.