കൊച്ചി: “പ്രായോഗിക സാഹചര്യങ്ങളിൽ ആസ്ത്മ ചികിത്സ പലപ്പോഴും ലക്ഷണശമനത്തിലേക്ക് മാത്രമാണ് കേന്ദ്രീകരിക്കുന്നത്. രോഗലക്ഷണങ്ങൾ ഉണ്ടാകുമ്പോൾ മാത്രം പലരും ഇൻഹേലർ ഉപയോഗിക്കുന്നതാണ് സാധാരണ,” എന്ന് പൾമനോളജിസ്റ്റ് ഡോ. ശോഭ സുബ്രഹ്മണ്യം ലോക ആസ്ത്മ ദിനം 2026-നോടനുബന്ധിച്ച് പറഞ്ഞു. ഡോക്ടർ നിർദേശിക്കുന്ന കൺട്രോളർ ഇൻഹേലറുകൾ സ്ഥിരമായി ഉപയോഗിക്കാത്തത് ഇന്ത്യയിലെ ആസ്ത്മ നിയന്ത്രണത്തെ ബാധിക്കുന്നതായി അവർ ചൂണ്ടിക്കാട്ടി.
ആസ്ത്മയെ വെറും ലക്ഷണശമനത്തിലല്ല, സ്ഥിരമായ ആന്റി-ഇൻഫ്ലമേറ്ററി ചികിത്സ ആവശ്യമായ ദീർഘകാല രോഗമായാണ് കാണേണ്ടതെന്ന് വിദഗ്ധർ അഭിപ്രായപ്പെട്ടു. ഇൻഹേലറുകളെക്കുറിച്ചുള്ള തെറ്റിദ്ധാരണകളും വൈകിയ രോഗനിർണയവും പ്രധാന വെല്ലുവിളികളായി തുടരുന്നതായും അവർ പറഞ്ഞു. ഡൽഹിയിലും മുംബൈയിലും ആരംഭിച്ച ബ്രിത്ത്ഫ്രീ ലംഗ് വെൽനസ് സെൻററുകൾ ഉൾപ്പെടുന്ന ബ്രിത്ത്ഫ്രീ സംരംഭം ബോധവത്കരണം, രോഗനിർണയം, മികച്ച ആസ്ത്മ നിയന്ത്രണം എന്നിവയ്ക്കായി പിന്തുണ നൽകുന്നുണ്ട്.