– മൊഡുലാര് കിച്ചന് വിഭാഗത്തില് 10% വളര്ച്ച ലക്ഷ്യം
കൊച്ചി: ഗോദ്റേജ് എന്റര്പ്രൈസസ് ഗ്രൂപ്പിന്റെ ഹോം ആന്ഡ് ഓഫീസ് ഫര്ണിച്ചര് ബ്രാന്ഡായ ഇന്റീരിയോ ബൈ ഗോദ്റേജ് അടുത്ത അഞ്ച് വര്ഷത്തില് ഇന്ത്യന് വീടുകളിലെ അടുക്കളകള് ആധുനികമാക്കാനായുള്ള പദ്ധതികള് പ്രഖ്യാപിച്ചു. രണ്ട്, മൂന്ന് നിര നഗരങ്ങളിലെ ആധുനിക വീടുകളിലെ അടുക്കളകള് ലക്ഷ്യമിടുന്ന ബിസിനസില് 10 ശതമാനം സിഎജിആര് വളര്ച്ച നേടാനാണ് കമ്പനി ലക്ഷ്യമിടുന്നത്.
ഇന്ത്യയിലെ കിച്ചന്, ഡൈനിംഗ് ഫര്ണിച്ചര് വിപണി 2026ല് 251.32 മില്യണ് യുഎസ് ഡോളറില് എത്തുമെന്നാണ് കണക്കാക്കുന്നത്. 2030 വരെ 2.28 ശതമാനം സിഎജിആര് വളര്ച്ചയാണ് പ്രതീക്ഷിക്കുന്നതെങ്കിലും ഇതിലും കൂടുതല് വേഗത്തില് വളരാനാണ് ഇന്റീരിയോ ലക്ഷ്യമിടുന്നത്. പുതിയ ഉല്പ്പന്നങ്ങളുടെ അവതരണം, 120 നഗരങ്ങളിലായുള്ള ഗോദ്റേജിന്റെ 250 കിച്ചന് ഗാലറികൾ, മഹാരാഷ്ട്രയിലെ ഖലാപൂരിലെ ആധുനിക നിര്മ്മാണശാല എന്നിവ ഈ വളര്ച്ചയ്ക്ക് പിന്തുണ നല്കുന്നു. പ്രതിദിനം 250 ആധുനിക അടുക്കളകള് വരെ നിര്മ്മിക്കാന് ശേഷിയുള്ളതാണ് ഖലാപൂരിലെ പ്ലാന്റ്.
ഇന്ത്യന് അടുക്കളകള് കേവലം പാചകത്തിനുള്ള ഇടം എന്നതിലപ്പുറം ഒരു ലൈഫ്സ്റ്റൈല് പ്രതീകമായി മാറുകയാണെന്ന് ഇന്റീരിയോ ബൈ ഗോദ്റേജിന്റെ സീനിയര് വൈസ് പ്രസിഡന്റും കണ്സ്യൂമര് ബിസിനസ് മേധാവിയുമായ ദേവ് നാരായണ് സര്ക്കാര് പറഞ്ഞു. ഡിസൈന്, പ്രവര്ത്തനക്ഷമത, ദീര്ഘകാല ദൈര്ഘ്യം എന്നിവ ഒത്തുചേര്ന്ന മൊഡുലാര് അടുക്കളകളാണ് ഉപഭോക്താക്കള് തേടുന്നത്. 2024 സാമ്പത്തിക വര്ഷത്തെ 24 ശതമാനത്തില് നിന്നും നിലവില് തങ്ങളുടെ വില്പ്പനയുടെ 35 ശതമാനവും രണ്ട്, മൂന്ന് നിര നഗരങ്ങളില് നിന്നാണെന്നും അദ്ദേഹം പറഞ്ഞു.
ഉപഭോക്തൃ അനുഭവം കൂടുതല് വ്യക്തിഗതമാക്കുന്നതിനായി ഇന്റീരിയോ ഇ-കൊമേഴ്സ് പ്ലാറ്റ്ഫോമില് ‘കിച്ചന് കോണ്ഫിഗറേറ്റര്’ അവതരിപ്പിച്ചിട്ടുണ്ട്. ത്രീഡി മോഡലിംഗ് സാങ്കേതികവിദ്യ ഉപയോഗിച്ച് ഉപഭോക്താക്കള്ക്ക് അവരുടെ അടുക്കളകള് മുന്കൂട്ടി കാണാനും അതനുസരിച്ചുള്ള മാറ്റങ്ങള് വരുത്താനും സാധിക്കും. 1.25 ലക്ഷം രൂപ മുതല് പ്രീ-കോണ്ഫിഗേഡ് മൊഡ്യൂളുകള് ലഭ്യമാണ്. സൈറ്റിന്റെ പ്രത്യേക ആവശ്യങ്ങളും സിവില് ആവശ്യകതകളും അനുസരിച്ചുള്ള വ്യക്തിഗത മാറ്റങ്ങളും ചെയ്യാന് സാധിക്കും.
കിച്ചന് വിഭാഗത്തിലെ ഇന്റീരിയോയുടെ പ്രധാന ഉല്പ്പന്നങ്ങളിലൊന്നാണ് ‘സ്റ്റീല് ഷെഫ്’ മൊഡുലാര് സ്റ്റീല് കിച്ചന് ശ്രേണി. മിഡ്-പ്രീമിയം വിഭാഗത്തിലുള്ള ഈ ശ്രേണി ദൈര്ഘ്യം, ആകര്ഷകമായ രൂപകല്പ്പന, വ്യക്തിഗതവത്കരണ ഓപ്ഷനുകള് എന്നിവയാണ് ഉറപ്പാക്കുന്നത്. ഇതിന് പുറമെ, സ്മാര്ട്ട് ചിമ്മിനികള്, ടോള് കോര്ണര് യൂണിറ്റുകള്, 22 ഹണ്ട്രഡ് യൂണിറ്റുകള്, ഏഴ് അടി ഉയരമുള്ള ടോള് പുള്-ഔട്ട് യൂണിറ്റുകള് തുടങ്ങിയ വിവിധ ആക്സസറികളും കമ്പനി നിര്മ്മിക്കുന്നുണ്ട്.
പരമ്പരാഗതമായി നിര്മിക്കുന്ന അടുക്കളകളെ അപേക്ഷിച്ച് 5 മുതല് 7 ദിവസത്തിനുള്ളില് ഗോദ്റേജ് അടുക്കളകളുടെ ഇന്സ്റ്റലേഷന് പൂര്ത്തിയാക്കാനാകും.