ഇന്ത്യ, 2026: റിസർവ് ബാങ്ക് ഓഫ് ഇന്ത്യയുടെ സെൻട്രൽ ബാങ്ക് ഡിജിറ്റൽ കറൻസി (സി.ബി.ഡി.സി.) ആയ ഡിജിറ്റൽ റുപ്പി (e₹)യെ തങ്ങളുടെ ഓൺലൈൻ മർച്ചന്റ് പേയ്മെന്റ് പ്ലാറ്റ്ഫോമായ സ്മാർട്ട് ഗേറ്റ്വേയിലേക്ക് സംയോജിപ്പിക്കുന്നതായി എച്ച്.ഡി.എഫ്.സി. ബാങ്ക് ഇന്ന് പ്രഖ്യാപിച്ചു. ഈ സംയോജനം, എച്ച്.ഡി.എഫ്.സി. ബാങ്ക് ചെക്ക്ഔട്ട് ആവാസവ്യവസ്ഥയ്ക്കുള്ളിൽ സുരക്ഷിതവും, ചെലവുകുറഞ്ഞതും, ഭരണകൂട പിന്തുണയുള്ളതുമായ ഡിജിറ്റൽ പേയ്മെന്റ് ഓപ്ഷൻ ഉപഭോക്താക്കൾക്ക് വാഗ്ദാനം ചെയ്യാൻ വ്യാപാരികളെ പ്രാപ്തമാക്കുന്നു.
ഈ മെച്ചപ്പെടുത്തലോടെ, സ്മാർട്ട് ഗേറ്റ്വേ വ്യാപാരികൾക്ക് ഇപ്പോൾ യു.പി.ഐ., കാർഡുകൾ, നെറ്റ് ബാങ്കിംഗ് തുടങ്ങിയ നിലവിലുള്ള പേയ്മെന്റ് മോഡുകൾക്കൊപ്പം ഇടപാട് ചെലവ് രഹിതമായി ഡിജിറ്റൽ റുപ്പി വഴി പേയ്മെന്റുകൾ സ്വീകരിക്കാൻ കഴിയും. തൽക്ഷണവും സുരക്ഷിതവുമായ തടസ്സമില്ലാത്ത ഡിജിറ്റൽ പേയ്മെന്റ് അനുഭവത്തിൽ നിന്ന് ഉപഭോക്താക്കൾക്ക് പ്രയോജനം ലഭിക്കും.
2025 ഡിസംബർ വരെ, ഏകദേശം 8.45 ലക്ഷം രജിസ്റ്റർ ചെയ്ത സി.ബി.ഡി.സി. വാലറ്റുകൾക്ക് സേവനം നൽകുന്ന പൈലറ്റ് ബാങ്കുകളിൽ ഒന്നാണ് എച്ച്.ഡി.എഫ്.സി. ബാങ്ക്, എല്ലാ മാസവും 13,000–15,000 പുതിയ വാലറ്റുകൾ ചേർക്കപ്പെടുന്നു.
സീറോ കോസ്റ്റ് സ്വീകാര്യതയോടെ, സി.ബി.ഡി.സി. വ്യാപാരികൾക്ക് ഭാവിയിൽ ഉപയോഗിക്കാൻ തയ്യാറായ, ഇടനിലക്കാരില്ലാത്ത പേയ്മെന്റ് രീതി വാഗ്ദാനം ചെയ്യുന്നു, ഇത് സെറ്റിൽമെന്റ് ഉറപ്പ് മെച്ചപ്പെടുത്തുകയും പ്രവർത്തന നടത്തിപ്പുചെലവുകൾ കുറയ്ക്കുകയും ചെയ്യുന്നു. ഡിജിറ്റൽ റുപ്പി ഉപഭോക്താക്കൾക്ക്, ആർ.ബി.ഐ. പിന്തുണയുള്ള ഡിജിറ്റൽ കറൻസിയുടെ അധിക വിശ്വാസത്തോടൊപ്പം, യു.പി.ഐ.യുടെ സൗകര്യവും വാഗ്ദാനം ചെയ്യുന്നു, ഇത് എല്ലാ ഇടപാടുകളെയും സത്വരവും സുരക്ഷിതവും സൗജന്യവുമായി മാറ്റുന്നു.
വ്യാപാരികൾക്കായി സി.ഡി.ബി.സി.യെ സ്മാർട്ട്ഗേറ്റ്വേയിലേക്ക് സംയോജിപ്പിക്കുന്നതിലൂടെ, എച്ച്.ഡി.എഫ്.സി. ബാങ്ക് ഉപഭോക്താക്കൾക്ക് പേയ്മെന്റുകൾ നടത്താനുള്ള മറ്റൊരു മാർഗം കൂടി വാഗ്ദാനം ചെയ്യുന്നു, കൂടാതെ ഒരു ഭരണകൂട പിന്തുണയുള്ള ഡിജിറ്റൽ കറൻസിയുടെ നേട്ടങ്ങൾ വിശാലമായ ബിസിനസുകളിലേക്ക് വ്യാപിപ്പിക്കുകയും ചെയ്യുന്നു. ഈ സംരംഭം ഡിജിറ്റൽ-ആദ്യ നേതാവെന്ന നിലയിലുള്ള എച്ച്.ഡി.എഫ്.സി. ബാങ്കിന്റെ സ്ഥാനം ദൃഢപ്പെടുത്തുകയും, നവീകരണത്തോടുള്ള അതിന്റെ തുടർച്ചയായ പ്രതിബദ്ധതയെയും പണത്തിന് പ്രാധാന്യം നൽകുന്ന, ഉൾക്കൊള്ളുന്ന ഡിജിറ്റൽ സമ്പദ്വ്യവസ്ഥയിലേക്കുള്ള ഇന്ത്യയുടെ പരിവർത്തനത്തെ പിന്തുണയ്ക്കുന്നതിനെ പ്രതിഫലിപ്പിക്കുകയും ചെയ്യുന്നു.