കൊച്ചി :ഇന്ത്യയിലെ പ്രമുഖ ഇലക്ട്രിക് ഇരുചക്ര വാഹന നിർമ്മാതാക്കളിലൊരാളായ ഏഥർ എനർജി ലിമിറ്റഡ് 2026 സാമ്പത്തിക വർഷത്തിൽ രാജ്യത്താകെ 700 എക്സ്പീരിയൻസ് സെന്ററുകൾ എന്ന നേട്ടം സ്വന്തമാക്കി. കഴിഞ്ഞ ഒരു വർഷത്തിനിടെ 350-ത്തിലധികം പുതിയ സെന്ററുകൾ ആരംഭിച്ചതോടെ കമ്പനിയുടെ റീട്ടെയിൽ ശൃംഖല ഇരട്ടിയായി. മിഡിൽ ഇന്ത്യയും മറ്റു മേഖലകളും കേന്ദ്രീകരിച്ച വിപുലീകരണമാണ് വളർച്ചയ്ക്ക് പിന്നിൽ. 2026 മാർച്ചിൽ കമ്പനിയുടെ വിപണി വിഹിതം 18.7 ശതമാനമായി ഉയർന്നു. റിസ്ത ഫാമിലി സ്കൂട്ടറും 450 സീരീസും മികച്ച ആവശ്യകത നേടി. 500 സർവീസ് സെന്ററുകളും 4,357 ചാർജിംഗ് പോയിന്റുകളും ഉൾപ്പെടുത്തി ഏഥർ ഉപഭോക്തൃ സൗകര്യങ്ങളും ശക്തിപ്പെടുത്തിയിട്ടുണ്ട്.