കൊച്ചി: രാജ്യത്തെ പ്രമുഖ അസറ്റ് മാനേജ്മന്റ് കമ്പനിയായ ഐസിഐസിഐ പ്രുഡൻഷ്യൽ എഎംസിയുടെ പ്രാരംഭ ഓഹരി വില്പനയ്ക്ക് (ഐപിഒ) ലഭിച്ചത് വൻ സ്വീകാര്യത. ഐപിഒ അവസാനിച്ച ഡിസംബർ 16ന് മാത്രം 39.2 മടങ്ങ് അപേക്ഷകരാണ് ഓഹരികൾക്കായി വിപണിയിലെത്തിയത്. ഏകദേശം 2.96 ലക്ഷം കോടി രൂപയുടെ ധനസമാഹരണമാണ് 5 ദിവസങ്ങളിലായി നടന്ന ഐപിഓയിലൂടെ ഐസിഐസിഐ പ്രുഡൻഷ്യൽ എഎംസി നേടിയത്. ഈ വർഷത്തെ ഏറ്റവും ഉയർന്ന രണ്ടാമത്തെ വിപണി പ്രകടനമാണ് ഐസിഐസിഐ പ്രുഡൻഷ്യൽ എഎംസി ഓഹരികൾക്ക് നേടാനായത്. ഐപിഒ ആരംഭിക്കുന്നതിന് മുൻപ് നൂറോളം വൻകിട നിക്ഷേപകരിൽനിന്നും 3,021 കോടി രൂപ സമാഹരിച്ചതായി ഐസിഐസിഐ പ്രുഡൻഷ്യൽ എഎംസി പുറത്തിറക്കിയ വാർത്താക്കുറിപ്പിൽ അറിയിച്ചു.