Home » Blog » Kerala » സമൂഹമാധ്യമ പോസ്റ്റുകൾ നീക്കം ചെയ്തത് സർക്കാർ നിർദ്ദേശപ്രകാരമല്ല; മുഖ്യമന്ത്രിയുടെ വാദം തള്ളി ആഭ്യന്തരമന്ത്രി രമേശ് ചെന്നിത്തല
ramesh-680x450

സാമൂഹിക മാധ്യമങ്ങളിലെ പോസ്റ്റുകൾ മെറ്റ നീക്കം ചെയ്തത് സർക്കാരിന്റെ നിർദ്ദേശപ്രകാരമാണെന്ന് ആഭ്യന്തര മന്ത്രി രമേശ് ചെന്നിത്തല നിയമസഭയിൽ വ്യക്തമാക്കി. സേവ്യർ ചിറ്റിലപ്പള്ളി എം.എൽ.എ. ഉന്നയിച്ച ചോദ്യത്തിന് നൽകിയ രേഖാമൂലമുള്ള മറുപടിയിലാണ് ആഭ്യന്തര മന്ത്രി ഇക്കാര്യം അറിയിച്ചത്. മുഖ്യമന്ത്രിക്കും മന്ത്രിമാർക്കുമെതിരായ പോസ്റ്റുകൾ ഉൾപ്പെടെയുള്ളവ നീക്കം ചെയ്തതുമായി ബന്ധപ്പെട്ടായിരുന്നു ചോദ്യം. നേരത്തെ, സമൂഹമാധ്യമ പോസ്റ്റുകൾ നീക്കം ചെയ്യുന്നത് സർക്കാരിന്റെ അറിവോടെയല്ല എന്ന നിലപാടായിരുന്നു മുഖ്യമന്ത്രി വി.ഡി. സതീശൻ സ്വീകരിച്ചിരുന്നത്. എന്നാൽ ആഭ്യന്തര മന്ത്രിയുടെ നിയമസഭാ മറുപടിയിലൂടെ ഇക്കാര്യത്തിൽ വ്യക്തത വന്നിരിക്കുകയാണ്.

 

എഡിറ്റ് ചെയ്ത വീഡിയോകളും മോർഫ് ചെയ്ത ചിത്രങ്ങളും പ്രചരിക്കുന്നത് തടയുന്നതിന്റെ ഭാഗമായാണ് പോസ്റ്റുകൾ നീക്കം ചെയ്യാൻ മെറ്റയ്ക്ക് നോട്ടീസ് നൽകിയതെന്നാണ് സർക്കാർ നൽകുന്ന വിശദീകരണം. ഈ നടപടി പ്രകാരം ഇതുവരെ 15,627 പോസ്റ്റുകൾ നീക്കം ചെയ്തിട്ടുണ്ടെന്നും മറുപടിയിൽ പറയുന്നു. ലഭിച്ച ആകെ 4,201 പരാതികളിൽ 3,472 എണ്ണത്തിലും നടപടി സ്വീകരിച്ചിട്ടുണ്ടെന്നും ആഭ്യന്തര മന്ത്രി സഭയെ അറിയിച്ചു.

Leave a Reply

Your email address will not be published. Required fields are marked *