കൊച്ചി: നടന് മോഹന്ലാലിന്റെ വാഹന ആര്സി രേഖകളില് പേരിനൊപ്പമുണ്ടായിരുന്ന ലഫ്റ്റന്റ് കേണല്, ഡോക്ടര് പദവികള് ഒഴിവാക്കി മോട്ടോര് വാഹനവകുപ്പ്. കെഎല് 7സിയു 2020 കാറിന്റെ രജിസ്ട്രേഷന് രേഖകളിലാണ് മാറ്റം വരുത്തിയത്. ആധാര് കാര്ഡിലേതിനു സമാനമായ പേരേ ആര്സി രേഖകളില് ചേര്ക്കാന് പാടുള്ളുവെന്ന നിര്ദേശത്തെ തുടര്ന്നാണ് നടപടി.
വാഹനവുമായി ബന്ധപ്പെട്ട സേവനത്തിനായി മോഹന്ലാലിന്റെ ഏജന്റ് ആര്ടി ഓഫീസില് എത്തിയപ്പോഴാണ് ആധാറിലെ പേരും ആര്സിയിലെ പേരും തമ്മില് സാമ്യമല്ലാത്തതിനാല് സാങ്കേതിക തടസ്സം നേരിട്ടത്. തുടര്ന്ന് ആര്സി രേഖകളിലെ പേര് ആധാറിലേതുപോലെ ആക്കുകയായിരുന്നു. ഇപ്പോള് വിശ്വനാഥന് നായര് മോഹന്ലാല് എന്നാക്കി മാറ്റി.