കൊച്ചി:ലാപ്ടോപ്പ് വാങ്ങുന്നവരിൽ പ്രോസസർ പെർഫോമൻസിനും ടാബ്ലെറ്റ് വാങ്ങുന്നവരിൽ ഡിസ്പ്ലേ ക്വാളിറ്റിക്കും ഏറ്റവും കൂടുതൽ പ്രാധാന്യമെന്ന് Amazon.in-ന്റെ ബെസ്റ്റ് ഇൻ ടെക് സർവേ. എല്ലാ പ്രധാന കൺസ്യൂമർ ഇലക്ട്രോണിക്സ് വിഭാഗങ്ങളിലുമായി 40,000-ത്തിലധികം പ്രതികരണങ്ങളിൽ നിന്നാണ് സർവേയിലെ കണ്ടെത്തലുകൾ.
ലാപ്ടോപ്പ് വാങ്ങുന്നവരിൽ 87% പേരും പ്രോസസർ പെർഫോമൻസിനാണ് ഒന്നാം സ്ഥാനം നൽകുന്നത്. തുടർന്ന് RAM, സ്റ്റോറേജ്, ബാറ്ററി ലൈഫ് എന്നിവയാണ് പ്രധാന പരിഗണനകൾ. AI ഫീച്ചറുകളിലും ലാപ്ടോപ്പ് വാങ്ങുന്നവരിൽ ശക്തമായ താൽപര്യമുണ്ട്. വരാനിരിക്കുന്ന AI ഫീച്ചറുകൾ ഉൽപ്പാദനക്ഷമതയ്ക്ക് “അങ്ങേയറ്റം ഉപയോഗപ്രദം” ആകുമെന്ന് 58% പേർ അഭിപ്രായപ്പെട്ടു. ഓൺ-ഡിവൈസ് AI അസിസ്റ്റന്റുകൾ (28%), വേഗതയേറിയ AI-പ്രോസസ്സിംഗ് ചിപ്പുകൾ (25%), AI-പവേർഡ് കണ്ടന്റ് ക്രിയേഷനും എഡിറ്റിംഗും (23%), തത്സമയ ട്രാൻസ്ക്രിപ്ഷൻ, വിവർത്തന ശേഷികൾ (17%) എന്നിവയാണ് പ്രധാനമായി ആവശ്യപ്പെടുന്ന AI ശേഷികൾ.
ബ്രാൻഡ് നാമത്തേക്കാൾ മികച്ച സ്പെസിഫിക്കേഷനുകൾക്കാണ് ഉപഭോക്താക്കൾ മുൻഗണന നൽകുന്നതെന്നും സർവേ വ്യക്തമാക്കുന്നു. ഒരേ വിലയിൽ മികച്ച സ്പെസിഫിക്കേഷനുകൾ നൽകുന്ന മറ്റൊരു ബ്രാൻഡ് 53% പേർ തിരഞ്ഞെടുക്കും. 48% പേർ രണ്ടോ മൂന്നോ ബ്രാൻഡുകൾ താരതമ്യം ചെയ്ത ശേഷമാണ് തീരുമാനമെടുക്കുന്നത്. 18% പേർ മാത്രമാണ് ഒരു ബ്രാൻഡ് മനസ്സിൽ വെച്ച് വാങ്ങുന്നത്. കൂടാതെ, 3 ഇൻ 4 ലാപ്ടോപ്പ് വാങ്ങുന്നവർ ₹40,000 അല്ലെങ്കിൽ അതിൽ കൂടുതലുള്ള വിലയുള്ള ഡിവൈസുകളാണ് പരിഗണിക്കുന്നത്. 28% പേർ ₹40,000–₹60,000, 22% പേർ ₹60,000–₹80,000, 14% പേർ ₹80,000–₹1,00,000, 12% പേർ ₹1,00,000-ന് മുകളിലുള്ള ലാപ്ടോപ്പുകളാണ് പരിഗണിക്കുന്നത്. 24% പേർ മാത്രമാണ് ₹40,000-ന് താഴെയുള്ളവ പരിഗണിക്കുന്നത്.
ടാബ്ലെറ്റ് വാങ്ങുന്നവരിൽ 74% പേരും ഡിസ്പ്ലേ സൈസിനും ക്വാളിറ്റിക്കും ഒന്നാം സ്ഥാനം നൽകുന്നു. വിലയ്ക്ക് 12%വും പ്രോസസറിന് 9%വുമാണ് മുൻഗണന. 59% പേർ ₹20,000–₹35,000 വില വിഭാഗമാണ് പരിഗണിക്കുന്നത്. ലാപ്ടോപ്പിനേക്കാൾ താങ്ങാനാവുന്ന ബദൽ (29%), മീഡിയ ഉപഭോഗം (21%), പോർട്ടബിലിറ്റി (17%) എന്നിവയാണ് ടാബ്ലെറ്റ് തിരഞ്ഞെടുക്കുന്നതിനുള്ള പ്രധാന കാരണങ്ങൾ.
“ബെസ്റ്റ് ഇൻ ടെക് സർവേ ഉപഭോക്താക്കളിൽ നിന്ന് നേരിട്ട് വ്യക്തമായ വിവരങ്ങൾ എടുക്കുന്നു,” എന്ന് Amazon India ഡയറക്ടർ – കൺസ്യൂമർ ഇലക്ട്രോണിക്സ് സെബ ഖാൻ പറഞ്ഞു.
സർവേയിൽ നിന്നുള്ള കണ്ടെത്തലുകൾ Amazon.in-ലെ സെലക്ഷനും 2026 സെപ്റ്റംബർ 18-ന് രണ്ടാം എഡിഷനായി തിരിച്ചെത്തുന്ന ബെസ്റ്റ് ഇൻ ടെക് അവാർഡ്സിന്റെ അജണ്ടയും രൂപപ്പെടുത്തും.