മലപ്പുറം നിലമ്പൂരിൽ ബൈക്ക് യാത്രയ്ക്കിടെ സാരി ചക്രത്തിനിടയിൽ കുടുങ്ങി വീട്ടമ്മയ്ക്ക് ദാരുണാന്ത്യം. നിലമ്പൂർ പോത്തുകല്ല് സ്വദേശി പത്മിനിയാണ് മരിച്ചത്. മകനൊപ്പം ബൈക്കിൽ യാത്ര ചെയ്യുമ്പോഴാണ് അപകടമുണ്ടായത്.
സാരി ബൈക്കിന്റെ ചക്രത്തിൽ കുടുങ്ങിയതിനെ തുടർന്ന് നിയന്ത്രണം വിട്ട് ബൈക്ക് മറിയുകയായിരുന്നു. പരിക്കേറ്റ പത്മിനിയെ ഉടൻതന്നെ നിലമ്പൂർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.