ഗണിതത്തിനും നൊബേൽ പ്രൈസ് കൊടുക്കേണ്ടത് കാലഘട്ടത്തിന്റെ അനിവാര്യത: എ ഷിബു ഐഎഎസ്

പത്തനംതിട്ട: ശാസ്ത്രങ്ങളുടെ രാജ്ഞിയായ ഗണിതത്തിനും നോബൽ പ്രൈസ് കൊടുക്കേണ്ടത് കാലഘട്ടത്തിന്റെ അനിവാര്യതയാണെന്ന് പത്തനംതിട്ട ജില്ലാ കളക്ടർ ഷിബു എ.ഐ എ എസ് അഭിപ്രായപ്പെട്ടു.

നൊബേൽ ഫോർ മാത്സ് ഇന്റർനാഷണൽ സൈൻ ക്യാമ്പയിൻ പത്തനംതിട്ട ജില്ലാതല ഉദ്ഘാടനം നിർവഹിച്ചുകൊണ്ട് സംസാരിക്കുകയായിരുന്നു അദ്ദേഹം. ദേശീയ ഗണിതശാസ്ത്ര ദിനത്തോടനുബന്ധിച്ച് പന്തളം എമിനൻസ് പബ്ലിക് സ്കൂളിലാണ് പരിപാടി സംഘടിപ്പിച്ചത്.

എമിനൻസ് പബ്ലിക് സ്കൂൾ ചെയർമാൻ പി എം ജോസ് അധ്യക്ഷത വഹിച്ചു. നൊബേൽ ഫോർ മാത്സ് ഇന്റർനാഷണൽ സൈൻ ക്യാമ്പയിൻ ചെയർമാൻ ജിതേഷ്ജി മുഖ്യ പ്രഭാഷണം നടത്തി.

യോഗത്തിൽ സോബി എസ് മാത്യു സ്വാഗതവും ചീഫ് കോർഡിനേറ്റർ എൽ സുഗതൻ നന്ദിയും പറഞ്ഞു. എമിനൻസ് സ്കൂൾ മാനേജർ എലിസബത്ത് ജോസ്, എമിനൻസ് സ്കൂൾ പ്രിൻസിപ്പൽ ഡോ: ആനി മാത്തൻ തുടങ്ങിയവർ സംസാരിച്ചു .