<strong>തിരുവനന്തപുരം</strong>: ദേശാഭിമാനി വാരാന്തപ്പതിപ്പ് വിവാദത്തില് മറുപടി നല്കി ചുമതലയുണ്ടായിരുന്ന ന്യൂസ് എഡിറ്റര് കെ ആര് അജയന്. കള്ളന് വിജയന് ഫീച്ചറില് പാര്ട്ടി വിരുദ്ധത ഇല്ലെന്നും തലക്കെട്ടില് പ്രശ്നമുള്ളതായി തോന്നുന്നില്ലെന്നുമായിരുന്നു അജയന്റെ മറുപടി.ഏറ്റവും മികച്ചത് എന്ന നിലയിലാണ് ‘കള്ളന് വിജയന്, ധന്യ നാടക ഗ്രാമം, മുത്തിപ്പാറ പി.ഒ’ എന്ന തലക്കെട്ട് നല്കിയത്. തെറ്റ് പറ്റിയതായി തോന്നുന്നുണ്ടെങ്കില് തിരുത്താന് തയ്യാറാണെന്നും വിശദീകരണ നോട്ടീസിന് നല്കിയ മറുപടിയില് പറയുന്നു.
വിഷയത്തിൽ പാര്ട്ടി നേതൃത്വം ഇടപെടുകയും കെ ആര് അജയന് നോട്ടീസ് നല്കുകയും ചെയ്തിരുന്നു. നാല് മണിക്ക് മുന്പ് വിശദീകരണം നല്കാനാണ് ആവശ്യപ്പെട്ടിരുന്നത്. ഇത് പ്രകാരമാണ് അജയന്റെ മറുപടി വന്നിരിക്കുന്നത്. ഞായറാഴ്ച ദേശാഭിമാനി വാരാന്തപ്പതിപ്പ് പ്രസിദ്ധീകരിക്കാതിരുന്നത് വിവാദങ്ങള്ക്ക് വഴിവെച്ചിരുന്നു. ഇതിന് പിന്നാലെയായിരുന്നു പാർട്ടി ഇടപെടൽ.