മുഖ്യമന്ത്രിയുടെ ദുരിതാശ്വാസ നിധി തുണയായി; ബാബുവിന് പുതിയ വീടൊരുങ്ങും

തൃശൂർ: വീട് കത്തിനശിച്ച പെരിഞ്ഞനം ചക്കാലയ്ക്കല്‍ ക്ഷേത്രത്തിന് സമീപം വെമ്പുലി വീട്ടില്‍ ബാബുരാജനും കുടുംബത്തിനും പുതിയ വീടൊരുങ്ങുന്നു. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും വീടിനായി നാല് ലക്ഷം രൂപ അനുവദിച്ചു. ഈ വര്‍ഷം ജൂലൈ ഏഴിനാണ് ബാബുരാജന്റെ വീട് ഷോര്‍ട്ട് സര്‍ക്യൂട്ട് മൂലം പൂര്‍ണ്ണമായും കത്തിനശിച്ചത്.

വീട്ടുപകരണങ്ങളും വസ്ത്രങ്ങളും പണവും ഉള്‍പ്പെടെയുള്ളവ കത്തി ചാമ്പലായിരുന്നു. നിര്‍ധനരായ ബാബുവിന്റെയും കുടുംബത്തിന്റെയും ദയനീയാവസ്ഥ മനസിലാക്കി ഇ.ടി ടൈസണ്‍ മാസ്റ്റര്‍ എംഎല്‍എ യുടെ ഇടപെടലിലൂടെയാണ് ധനസഹായം ലഭ്യമാക്കിയത്.