എറണാകുളം: നടി അൻസിബയുടെ പരാതിയിൽ കടവന്ത്ര പൊലീസ് രജിസ്റ്റർ ചെയ്ത കേസിൽ നടൻ ടിനി ടോമിന് മുൻകൂർ ജാമ്യം. എറണാകുളം സെഷൻസ് കോടതിയാണ് ജാമ്യം അനുവദിച്ചത്. സ്ത്രീത്വത്തെ അപമാനിക്കല്, ലൈംഗികച്ചുവയുള്ള പരാമര്ശങ്ങള്, മതം പറഞ്ഞ് അധിക്ഷേപിക്കല്, ഗൂഢാലോചന ഉള്പ്പെടെ ഗുരുതരമായ വകുപ്പുകള് ചുമത്തിയാണ് ടിനി ടോമിനെതിരെ കേസ് എടുത്തത്.
ടിനി ടോം തനിക്കെതിരെ അശ്ലീല പരാമർശങ്ങളും ലൈംഗികച്ചുവയുള്ള അധിക്ഷേപങ്ങളും നടത്തിയെന്നാണ് അൻസിബയുടെ പരാതി. കൂടാതെ, ‘ജിഹാദി’ എന്നും ‘മതതീവ്രവാദി’ എന്നും വിളിച്ച് ആക്ഷേപിച്ചതായും നടന്റെ ഡ്രൈവറെ മതം മാറ്റാന് അന്സിബ ശ്രമിച്ചുവെന്ന തരത്തില് വ്യാജ പ്രചാരണം നടത്തിയതായും പരാതിയിലുണ്ട്.