സിനിമയുടെ വിജയം പലപ്പോഴും നായകന്റെ പ്രകടനത്തെ ആശ്രയിച്ചിരിക്കുമ്പോൾ തന്നെ, ചില ചിത്രങ്ങളിൽ പ്രതിനായക കഥാപാത്രങ്ങൾ നായകനോളം തന്നെ പ്രേക്ഷകശ്രദ്ധ നേടാറുണ്ട്. പതിനാല് വർഷങ്ങൾക്കിപ്പുറവും ആരാധകർ ചർച്ച ചെയ്യുന്ന സൂര്യ ചിത്രം ‘ 7 ആം അറിവ്’ അത്തരമൊരു ഉദാഹരണമാണ്. എ.ആർ. മുരുഗദാസിന്റെ സംവിധാനത്തിൽ പിറന്ന ഈ ചിത്രം, റിലീസിന്റെ സമയത്ത് വാണിജ്യപരമായി പിന്നോട്ട് പോയെങ്കിലും, പിന്നീട് ടെലിവിഷൻ, ഒടിടി പ്ലാറ്റ്‌ഫോമുകളിലൂടെ ആരാധന സ്വന്തമാക്കി.
ഈ ചിത്രത്തിന്റെ വിജയത്തിൽ നിർണായകമായ പങ്ക് വഹിച്ചത് ജോണി ട്രൈ നുയെൻ അവതരിപ്പിച്ച ‘ഡോങ് ലീ’ എന്ന അവിസ്മരണീയമായ വില്ലൻ കഥാപാത്രമാണ്. ദക്ഷിണേന്ത്യൻ സിനിമയിൽ അതുവരെ കണ്ടിട്ടില്ലാത്തത്രയും സവിശേഷമായ ഒരു ഭീകരതയും തീവ്രതയും ഡോങ് ലീയുടെ ഓരോ ചലനത്തിലും നോട്ടത്തിലും ഉണ്ടായിരുന്നു. വില്ലന്റെ ഈ അസാധാരണമായ ചിത്രീകരണം, സൂര്യയുടെ ശക്തമായ പ്രകടനത്തിനൊപ്പം ചേർന്ന് ‘ 7 ആം അറിവിനെ ഇന്ത്യൻ സിനിമയിലെ ശ്രദ്ധേയമായ പ്രതിനായക സൃഷ്ടികളിൽ ഒന്നാക്കി മാറ്റുന്നു.
മായാത്ത മുദ്ര പതിപ്പിച്ച പ്രവേശന രംഗം
സൂര്യയുടെ താരശോഭയ്ക്ക് ഒപ്പം നിൽക്കുന്ന ഒരു അവിസ്മരണീയമായ വില്ലൻ കഥാപാത്രമായിരുന്നു ഡോങ് ലീ. ഒരു നടൻ എന്നതിലുപരി, ‘സ്പൈഡർമാൻ 2’ പോലുള്ള ഹോളിവുഡ് പ്രോജക്റ്റുകളിൽ പ്രവർത്തിച്ച സ്റ്റണ്ട്മാൻ കൂടിയായിരുന്ന ജോണി ട്രൈ നുയെൻ,